Flamurtari nen drejtimin e Shkelqim Muces

Publikuar me : 07.12.2011 Ne : Sport - 52 Lexime. Origjina : Gazeta Shekulli

Shkëlqim Muça merr zyrtarisht drejtimin e Flamurtarit. Traineri tiranas, i cili ka arritur akordin me drejtues të Flamurtarit në mbrëmjen e ditës së martë është prezantuar në mesditë përpara futbollistëve të Flamurtarit, ndërsa i pranishëm në prezantimin e trainerit të ri, ka qënë edhe shefi i KF Flamurtari, Geri Cipi.

Muça që në karrierën e tij ka drejtuar disa skuadra duke fituar plot tre herë titullin kampion, nis kështu punën tek Flamurtari, me synimin për të çuar ekipin vlonjat drejtë suksesit në këtë sezon futbollistik.

“Jam i kënaqur që ndodhem këtu” është shprehur menjëherë traineri i Flamurtarit Shkëlqim Muça dhe “shpresoj që me qetësinë e duhur, të arrrijmë  gjëra të bukura  që të kënaqim  edhe tifozerin vlonjate . Natyrisht Flamurtari është një klub me tradita që pretendon të shkoj lartë, të ketë rezultate maksimale dhe me ambicje të mëdha. Të tilla synime përputhen me ambicjet e mia, të cilat janë për të synuar gjithmon nivela të larta të ekipit dhe gjithashtu rezultatet të mira. Objektivi im dhe i skuadrës  është të përqëndrohemi  për të fituar ndeshjen e rradhës dhe sfidat e tjera që do të kemi më pas. E riktheksoj duhet të tregohemi më të duruar dhe të qetë dhe në këtë mënyrë kemi për të patur  më shumë rezultate pozitive. E them këtë me plot bindjen, se drejtuesit e klubit nuk  kanë bërë asnjë presion psikologjik as te lojtarët as te mua” tha më tej ai.