Vepra e Ismail Kadarese nuk ka ndonje perfaqesim te denje ne gjuhen italiane. Pak prej korpusit Kadare ka shkuar ne kete gjuhe. Per studiuesit me sa duket situata paraqitet ndryshe, aq sa mund te organizojne nje konference shkencore qe kane per qellim te shprehin disa perfundime nga refleksionet mbi vepren e shkrimtarit shqiptar.

Refleksion mbi vepren e Ismail Kadare eshte konferenca nderkombetare mbi studimin e letersise dhe kultures shqiptare ne ditet e sotme, organizuar nga Departamenti i Studimeve Gjuhesore dhe Kulturore te Krahasuara i Universiteti Ca` Foscari te Venecias. Kjo nisme lidhet me aktivitetet e zhvilluara ne 2006 dhe ne 2009, te cilat u finalizuan me botimin e dy vellimeve Te lexosh Kadarene dhe Kadareja Europian.

Organizatoret thone se nepermjet monitorimit te kultures shqiptare ne ditet e sotme, stafi i bashkepuntoreve pasurohet nga punimet e studiuesve nga universitetet italiane dhe te huaja, me qellim qe te terhiqet vemendja mbi pasurine e kujteses dhe ideve te lidhura me Shqiperine dhe shqiptaret ne Itali dhe Europe.

Ne konferencen njeditore referojne Alessandro Scarsella Kadare nga pikepamja krahasuese, Lucia Nadin Rizbulimi i historise shqiptare, Ariane Eissen Vleresimi i Ismail Kaderese ne France ne vitet 70`, Giovanni Belluscio Frymezimet djaloshare i Kadarese ne rrefimin e pare poetik (1954), Paolo Muner Nje pyetje per Ismail Kadarene Per ke ka vdekur Ushtria e Gjeneralit, Stefano Trovato Universalizmi shpirteror dhe nacionalizma ne letersine Italiane dhe Shqiptare, Gianpiero Ariola Hiri dhe gjaku dhe fara e tragjedise. Gjurme kadarejane ne nje film te Fanny Ardant. Dhe i vetmi nga Shqiperia, Andi Tepelena. Tema e tij eshte Kadare dhe tema e identitetit ne art.