Publikuar me : 13.07.2011 Ne :
Rajoni - 161 Lexime. Origjina : Gazeta Shekulli
Fondi Monetar Ndërkombëtar, i ka kërkuar Italisë që të garantojë implementimin e shkurtimit të shpenzimeve, në mënyrë që të reduktoj borxhin e vendit. Komentet e Fondit vijnë pas shqetësimeve në rritje se Italia mund të jetë vendi i ardhshëm i eurozonës që të dëmtohet nga kriza e borxheve.
FMN ka deklaruar gjithashtu se Greqia ka nevojë për një ndihmë shtesë prej 71 miliardë eurosh nga BE dhe 33 miliardë të tjerë nga sektori privat.
Institucioni ndërkombëtar ka nënvizuar se synon të vazhdojë financimin e Greqisë, por nga ana tjetër parashikon një recesion më të thellë në vend këtë vit, me një rënie ekonomike prej 3.9 perqind. Ndërkohë, shqetësimi për Italinë ka bërë që qeveria italiane të lëvizë më shpejt me miratimin e planeve për një buxhet anti-krizë.
Romët, foto arkiv
Një studim i ri mbi romët e Europës i kryer nga Bashkimi Evropian, Banka Botërore dhe Kombet e Bashkuara ka gjetur se vetëm 15 për qind e këtij minoriteti ka përfunduar shkollimin e mesëm, dhe më shumë se 90 për qind jetojnë nën kufirin e varfërisë në vendet përkatëse.
Raporti, që u publikua të mërkurën, tregon se deri në 20 për qind e romëve nuk mbulohen nga sigurimi shëndetësor; 45 për qind jetojnë në familjet që nuk kanë kushte...
