Foreign Policy, njerezit me me influence gjate 2011-s

Publikuar me : 02.12.2011 Ne : Sociale - 49 Lexime. Origjina : Gazeta Shekulli

Cilët janë personat që me idetë dhe mendimet e tyre kanë influencuar opinionin publik dhe kanë ndryshuar historinë? Foreign Policy ka bërë klasifikimin e 100 personave që kanë pasur më shumë influencë gjatë vitit 2011.

Dhjetë emra për një revolucion

Dhjetë pozicionet e para të klasifikimit mbahen nga personalitete që janë përfshirë në atë ashtuquajturën pranvera arabe. Pesë të parët në listë janë: Alaa Al Awany, shkrimtari egjiptian që ka përshkruar rrëzimin e Mubarakut, duke vënë në rrezik edhe jetën e tij; Mohamed ElBaradei, fytyra politike e opozitës kundër regjimit të presidentit Mubarak; Wael Ghonim, shef i marketingut të Google për Lindjen e Mesme dhe blogeri i parë që doli kundër Mubarakut; Ali Ferzat, avokat për të drejtat e njeriut në Siri dhe Razan Zaitouneh, edhe kjo avokate e të drejtave të njeriut që ka kritikuar vazhdimisht regjimin e Asadit në Siri.
Duke qëndruar te femrat, në listën e Foreign Policy janë 31 femra të cilat gjatë vitit 2011 kanë influencuar me mendimet e tyre. Disa luftojnë për lirinë e vendit të tyre si femrat e revolucionit arab apo disidentja Aung San Suu Kyi, e burgosur për vite me radhë në Birmani, e të tjera janë femra të pushtetshme si Kondoleza Rajs, Hillari Klinton apo Kristin Lagard.  Por ka edhe nga ato që janë bërë të pushtetshme e zëri i tyre është dëgjuar për shkak të bashkëshortëve të fuqishëm, si p.sh. Melinda Gates, gruaja e Bill Gates.

 

Më të famshmit

FB ka përzgjedhur në listën e saj edhe personalitete të fuqishme të momentit si Nikolas Sarkozi e Angela Merkel, figurat qendrore të krizës ekonomike europiane apo Mark Zukerberg, për shpikjen e tij revolucionare, Facebook.