Prokuroria e Tiranes ka zgjeruar rrethin e hetimeve per vleresimet e objekteve qe jane prekur nga tragjedia e Gerdecit ne muajin mars te ketij viti. Nga verifikimet e deritanishme eshte konstatuar se vleresuesit kane abuzuar me 58 objekte, duke i shkaktuar shtetit shqiptar nje dem monetar te konsiderueshem. Pikerisht per kete çeshtje eshte thirrur dje, ne mesdite, edhe kryetari i Bashkise se Vores, Fiqiri Ismaili, i cili eshte pyetur per disa ore, per menyren se si eshte bere nga stafi i tij vleresimi i objekteve te demtuara. Por, hetuesit e çeshtjes, pas shume ankesave dhe denoncimeve, ne pamundesi per te kryer te gjitha verifikimet ne terren, i kane kerkuar oficereve te policise gjyqesore kryerjen e rivleresimit, per te pare vertetesine e dyshimeve qe jane ngritur nga bizneset dhe banoret e zones.


Abuzimi me vleren

Burime nga Prokuroria e Tiranes thane dje se fatura financiare e demeve eshte nxjerre nga grupet e eksperteve, duke perdorur sistemin e votimit... "Jemi duke pyetur ekspertet qe kane votuar kunder llogaritjes se pasakte te demit dhe jemi duke bere nje ekspertize per te pare diferencen", thane dje hetuesit e çeshtjes. Sipas tyre, ka filluar procedimi penal per 3 eksperte te Agjencise se Legalizimeve (ALUIZNI) dhe nje zyrtari te Bashkise se Vores, nen akuzen e "shperdorimit te detyres" gjate vleresimeve per dhjetera objekte te shkaterruara plotesisht ne Gerdec. Vleresuesit jane denoncuar ne prokurori nga Policia e Tiranes, konkretisht nga sektori i antikrimit ekonomik, i cili prej disa javesh filloi nje "kalim ne site" te te gjitha materialeve te nepunesve te shtetit. Burime nga akuza kryeqytetase thane se tashme disponohen prova te sakta se personat nen hetim kane manipuluar faturen ekonomike te tragjedise. Ne kembim te nje vleresimi me te larte, ekspertet e ALUIZNI-t dhe Bashkise se Vores, sipas Prokurorise se Tiranes, perfitonin ryshfete te majme. Metodat speciale te hetimit kane mundesuar evidentimin e dhjetera rasteve, ku nepunesit e dyshuar per korrupsion benin "pazare" me biznesmenet dhe banoret e shtepive per nje vleresim me te madh sesa vlera reale e demeve qe u shkaktuan nga tragjedia e Gerdecit. Por, ne disa raste, ne momentin qe privatet nuk jepnin ryshfet, vleresimi behej me i ulet. Burimet thane se pas perfundimit te vleresimit te demeve nga nepunesit e autorizuar nga shteti, ne Bashkine e Vores jane depozituar dhjetera ankesa nga banoret, te gjitha per mos vleresim real te demeve qe kishte pesuar banesa e tyre.


Antikrimi Ekonomik

Ne loje eshte futur policia, ku specialiste te saj te krimit ekonomik, kane mundesuar nje rivleresim real, ndersa oficeret e policise gjyqesore kane marre paralelisht deklarimet e pronareve. Nga informacionet e grumbulluara u arrit te dokumentohej se ekspertet shteterore kane abuzuar me detyren. Ndaj tyre eshte kryer kallezimi penal, ndersa pritet qe ne ditet ne vijim te japin shpjegime ne organin e akuzes. Prokuroria tha dje se nga materialet e policise rezulton se ka nje diference te konsiderueshme mes vleresimit te pare dhe atij te bere nga ekspertet e kontaktuar nga policia. Dyshohet se vleresuesit e Bashkise se Vores dhe ALUIZNI-t kane abuzuar, duke kryer vleresime fiktive, ne kembim te ryshfeteve, ndersa ne rastin qe nuk perfitonin ryshfet, kane kryer nje vleresim te ulet. Banesat, qe jane shkaterruar pjeserisht dhe kane te njejtat deme, do te krahasohen nga ekspertet e policise. Nese rezulton se jane kryer vleresime te ndryshme, nepunesit do te perballen te pakten me sanksione ligjore. Gjithsesi, burimet thane se duhet nje kohe relativisht e gjate e verifikimit te te gjitha pretendimeve te banoreve, pasi pjesa me e madhe e te prekurve nga tragjedia pretendojne se shteti ka kryer nje vleresim jo fiktiv te te gjitha demeve. Por, policia deklaron se hetimi eshte shume i veshtire, pasi do te merren dore me dore rreth 4000 dosje te te gjitha shtepive. Grupet e punes, per çdo banese te verifikuar ne terren, kane hartuar dhe mbajtur procesverbal. Procesverbali permban te dhena te sakta, duke specifikuar siperfaqen e demtuar ne meter katror me çmimin e perafert te siperfaqes. Procesverbalet jane shoqeruar edhe me fotografi dixhitale te objektit dhe pjeseve te demtuara te tij. Tendencat e manipulimit me faturat e demeve u vune re qe diten e pare te punes se eksperteve te qeverise, kur disa biznesmene denoncuan faktin se ekspertet u kishin kerkuar para nen dore, ne menyre qe te faturonin vleren e demit me te madh sesa vlera reale.

Fiqiri Ismaili: Ja perse isha ne prokurori



Abuzimet e medha financiare me demshperblimet e demeve nga tragjedia e Gerdecit kane çuar ne prokurori kreun e Bashkise se Vores. Fiqiri Ismaili ka pranuar te paraqitet ne organin e akuzes dje ne dreke, ku per disa ore me radhe i ka shpjeguar prokuroreve mekanizmin e ngritjes se grupeve te vleresimit te demeve ne zonen e prekur nga tragjedia. Ne dalje te prokurorise, kreu i Bashkise se Vores tha, per "Shqip", se "dhashe shpjegime per nje objekt qe eshte shpronesuar, por, sipas akuzes, ka gabime". Nderkohe, burime nga prokuroria thane se kryebashkiaku ka shpjeguar numrin e zyrtareve qe bashkise se Vores qe kane qene pjese e komisioneve te vleresimit. Ai ka thene se banoret e prekur nga shperthimi kane plotesuar dy formulare per demet qe u jane shkaktuar, per te perfituar me pas ndihmen e qeverise. Ne formularin e pare, çdo kryefamiljar ka vleresuar demet ne banese. Ndersa ne formularin tjeter kane vleresuar demet per orendite e pajisjet elektro-shtepiake qe gjendeshin ne banese ne momentin e shperthimit. Sipas deshmise se Ismailit, ne formularin e pare percaktohet banesa me demtime te renda, demtime mesatare dhe demtime te lehta. Ekspertet vleresuan se banoret kane percaktuar demtimet e çatise, llojin e muratures, te themelit, traret mbajtes dhe te dyshemese. Gjithashtu, kane vleresuar materialet e dritareve dhe dyerve. Bashkia Vore, nepermjet numrit nje te saj, Fiqiri Ismailit, i ka shpjeguar prokuroreve se banoret kane percaktuar vete edhe per problemet e instalimeve elektrike, hidraulike, te ngrohjes, llojin e suvatimit, llojin e kanalizimeve, termo-izolimin dhe demtime te tjera qe mund te shenohen ne formular. Sipas tyre, vlera e perafert ne leke e percaktuar nga kryefamiljari eshte vleresuar me çmimet e tregut nga anetaret e komisioneve te vleresimit dhe se nuk ka asnje gabim.

Avokati i Popullit thote se nuk jane vleresuar 280 mjeteve motorike qe kane pasur


Dobjani: Shteti duhet te

demshperbleje te gjitha demet


Komisioneret e Avokatit te Popullit po kryejne hetime edhe per menyren e demshperblimit ne Gerdec. Ne morine e kerkesave dhe ankesave te banoreve qe jane prekur nga tragjedia, institucioni i Dobjanit ka filluar nje hetim te pavarur. Ish-punonjes te fabrikes se çmontimit te municioneve u ankuan per mosperfitimin e pages se fundit, qe i referohet periudhes 1-15 mars 2008, kohe gjate se ciles ata kane vijuar marredheniet e punes prane ketij subjekti. Ankesa e dyte e banoreve konsistonte se personat, te cilet u plagosen nga shperthimi i ndodhur ne Gerdec, te trajtuar ne kushte spitalore apo ambulatore, nuk e kane perfituar demshperblimin, si rezultat i demtimeve te tyre fizike. Nje pjese e ketyre banoreve te plagosur, tashme jane dhe te paafte per pune, ndaj per kete arsye kerkohet trajtimi, si e gjithe kjo kategori. Ndersa disa banore te tjere u ankuan lidhur me mos perfshirjen ne masen e demshperblimeve qe do te perfitojne nga vleresimet e komisioneve respektive te rreth 280 mjeteve motorike qe kane pasur, te shkaterruara tashme. Komisioneret dhe Dobjani deklarojne se nga te gjitha aktet nenligjore te nxjerra, per perballimin e situates se krijuar nga fatkeqesia ne Gerdec, nuk rezulton te jete bere ndonje rregullim ligjor, lidhur me kete fakt. Banoret e Gerdecit ngriten pretendime per shumen e ndihmave dhe donacioneve te akorduara qeverise, si dhe menyren e menaxhimit te tyre, duke pretenduar trajtim te pabarabarte dhe shkelje te te drejtave te tyre dhe duke kerkuar transparence per publikimin e tyre ne media, si dhe ne qendrat e banimit. Dobjani i shkruan Nishanit se "nga gjithe sa me siper ju paraqitem, me lejoni gjithashtu t‘ju sugjeroj qe nje pjese e demshperblimeve qe kerkohen, nese ato rezultojne te bazuara, mund te parashikohet te mbulohen nga llogarite e sekuestruara te firmes ‘Alba Demil‘, per te cilen kerkohet nje bashkepunim konkret me Prokurorine e Pergjithshme, nese çmohet e arsyeshme".