Publikuar me : 05.07.2011 Ne :
Rajoni - 153 Lexime. Origjina : Gazeta Shekulli
Jashtë çdo parashikimi ishte vendimi i një gjykate në Holandë, i cili ka vulosur të badhë mbi të zezë që shteti holandez është përgjegjës për vdekjen e tre myslimanëve boshnjakë, gjatë masakrës së Srebrenicës, në vitin 1995.
Trupat holandeze kontrollonin “zonën e sigurt” të OKB-së në korrik të vitit 1995, kur forcat serbo-boshnjake e pushtuan atë dhe vranë 8 mijë burra dhe djem myslimanë. Qeveria holandeze është përballur me disa çështje gjyqësore në vitet e fundit lidhur me Srebrenicën. Por ajo ka deklaruar se trupat e saj u braktisën nga OKB.
“Gjykata vendosi se shteti holandez është përgjegjës për vdekjen e këtyre personave, pasi trupat holandeze të OKB-së nuk duhet t`ua kishin dorëzuar ata trupave serbo-boshnjake”, deklaroi një zëdhënëse e Hagës. Vendimi në fjalë urdhëron qeverinë holandeze që t’u paguajë dëmshpërblime familjarëve të personave që mbetën të vrarë.
Mitt Romney / Foto arkiv
Kandidati që po garon për të siguruar nominimin republikan për president, Mit Romni, u zotua se do ta zvogëlojë papunësinë në Shtetet e Bashkuara në 6 për qind deri në fund të e mandatit të tij të parë në detyrë, po që se zgjidhet president.
“Unë mund t’ju them se gjatë një periudhe prej katër vitesh, në sajë të politikave tona, ne do të ulim shkallën e papunësisë deri në 6 për qind, dhe ndoshta edhe në një shkallë më të...
