TIRANE- Partia Socialiste nuk ka mundur te dorezoje sot ne Kuvend kerkesen per ngritjen e komisionit hetimor per hetimin e drejtimit dhe te veprimtarise se organeve drejtuese dhe sherbimeve te Kuvendit, pasi zyra ku duhet te dorezohej kjo kerkese eshte gjetur e mbyllur.


Deputeti i PS-se, Erjon Brace akuzoi kryetaren e Parlamentit per bllokim te dorezimit te kerkeses pasi sipas tij mbyllja e zyrave ishte e parakohshme, dhe e qellimshme. Kerkesa eshte firmosur me pare nga 35 deputete te Partise Socialiste. Brace tha se kerkesa do te dorezohet neser.


Objekti i punes se komisionit hetimor

1. Hetimi i veprimtarise se organeve drejtuese te sipercituara per sa i perket detyrimeve qe lindin nga zbatimi i Rregullores se Kuvendit te Shqiperise.
2. Hetimi i veprimtarise se administrates se sherbimeve te Kuvendit sipas kompetencave te percaktuara ne Rregulloren e Kuvendit, ligjin per buxhetin, legjislacionin qe rregullon statusin e deputetit, dhe legjislacionin per ekzekutimin e buxhetit.
3. Hetimi i Byrose dhe administrates se Kuvendit ne lidhje me percaktimin e struktures dhe organikes se administrates ndihmese te Kuvendit dhe zbatimit te legjislacionit per sherbimin civil apo atij te punes ne rekrutimin, transferimin apo nderprerjen e marredhenieve te punes se personelit te administrates.
4. Hetimi i procedurave te vleresimit dhe tjetersimit te mjeteve te transportit ne pronesi te Kuvendit, dhe pasojat financiare qe ato kane sjelle ne buxhetin e shtetit.
5. Hetimi i funksionimit te stafit ndihmes te Kuvendit, puna qe ata kryejne dhe shperndarja e punes mes komisioneve, zbatimi i kerkesave ligjore per respektimin e procedurave ne shqyrtimin e projekt-ligjeve si dhe ne emerimet e Kuvendit ne institucionet dhe entet ne varesi te tij.
6. Hetimi i integritetit dhe eficences se sistemit te votimit elektronik ne Kuvend.
7. Propozimi i ndryshimeve te nevojshme legjislative dhe organizative, me qellim korrigjimin e mangesive te konstatuara duke synuar mirefunksionimin e Kuvendit dhe sherbimeve te tij.

Redaksia Online