Publikuar me : 02.02.2012 Ne :
Ekonomi dhe Biznes - 80 Lexime. Origjina : Gazeta Shekulli
Viti 2012 do të jetë edhe më i keq se 2011 sa i takon rritjes ekonomike për Shqipërinë. Fondi Monetar Ndërkombëtar ka ulur më tej parashikimin duke përcaktuar se këtë vit rritja do të jetë vetëm 0.5 perqind.
Misioni i fundit i FMN-së kishte parashikuar një rritje prej 1.5 perqind ndërsa me rishikimin e parashikimit, rritja është ulur me 1 perqind. Sa i takon vitit 2011, FMN përllogarit se rritja ka qenë në nivelin 1.1 perqind.
Arsye kryesore e kësaj ulje sipas FMN-së do të vijë nga ulja e kërkesave të brendshme dhe rënia e remitancave.
Vetëm një ditë më parë kryeministri Sali Berisha në mbledhjen e grupit të PD-së foli për “mrekulli” në ekonominë shqiptare. Madje ai theksoi se qeveria e tij u ka paraprirë masave që Evropa duhet të marrë për daljen nga kriza.
Në një kohë kur e gjithë Evropa dhe më gjerë ka folur për “krizë”, Berisha ka folur për një rast të përjashtuar të Shqipërisë, që sipas tij nuk ka ndier krizë.
Kreu i FMN-së në fjalën e saj është shprehur se “nuk ka vende imune ndaj krizës aktuale”. “Nuk është vetëm një krizën e eurozonës. Është një krizë që do të ketë efekte kolateral dhe tkurrje në të gjithë botë”, është shprehur Christine Lagarde, në “World Economic Forum”.
Biznesi shqiptar, foto arkiv
Krizën ekonomike ata po e ndjejnë gjithmonë e më shumë janë bizneset. Në bazë të të dhënave fiskale për 4 mujorin e këtij viti vërehet se tatim fitimi, i cili është pasqyrimi i ecurisë ekonomike të bizneseve, është ulur ndjeshëm. Shifrat e raportuara nga Ministria e Financave mbi ecurinë e treguesve fiskal tregojnë se përsëri zëri i të ardhurave nga tatimi mbi fitimin mbetet zëri më negativ, çka nënkupton krizën financiare që po...
