Kampionati i mundjes ne Fier?

Publikuar me : 02.02.2012 Ne : Sport - 78 Lexime. Origjina : Gazeta Shekulli

Kryetari i Bashkisë Fier, Baftjar Zeqaj, ka pritur sot në një takim presidentin e Federatës së mundjes, Martin Biba. Ky i fundit ndër të tjera ka kërkuar përkrahjen e Bashksië për zhvillimin e mëtejshëm e sportit të mundjes, si një ndër sportet me interes në  mbarë botën. Pasi ka dëgjuar disa nga kërkesat e parashtruara, kryebashkaiku Zeqaj ka premtuar mbështetje maksimale. Ai ka kujtuar edhe kompleksin sportiv që po ndërtohet. Ndërkohë që Zeqaj i ka hapur rrugën kreut të federatës të zhvillojë kampionatin e radhës për mundje në qytetin e Fierit.

“E keni rrugën të hapur të sillni në fier zhvillimin e kampionatit të radhës për mundje. Ne ju sigurojmë se do t’ju mbështesim” është shprehur Zeqaj.

Ndërkohë Biba, kreu i federatës ka deklaruar se ka mbetur i surprizuar nga pritja që i ka bërë kryetari i baahkiaë. Ai ka thënë ndër të tjera se megjithëse për këtë sport ka interes, pa ndihëm e pushtetit lokal asgjë nuk mund të ndërtohet.

“Jam i bindur që sëbashku do të kemi bashkëpunim të frytshëm me qëllim që ti jepet ndihëm edh ekipit të mundjes në Fier, për ta fuqizuar, pra edhe atë”, tha Biba.

Në këtë takim u diskutua po ashtu edhe për një sërë investimesh konkrete që bashkia ka projektuar për mundjen në Fier. Në takim merrte pjesë edhe kreu i shumësportëshit, Lili Gërmau dhe trajneri i ekipit të mundjes, Ardian Ferko.

 

K.Thana