"Kosova eshte shtet i pavarur, sovran dhe integral. Ky proces eshte i pakthyeshem", ka theksuar ministri i Jashtem i Kosoves, Skender Hyseni, sot ne Bruksel para Grupit Drejtues Nderkombetar.

Hyseni ne fjalimin e tij ka theksuar kerkesen dhe nevojen per rikonfigurimin e UNMIK-ut dhe shtrirjen e shpejte te EULEX-it ne tere territorin e Kosoves.

Ai ka theksuar qe rikonfigurimi i UNMIK-ut nuk po ecen me shpjetesine qe ata kane deshiruar.

"EULEX-i duhet te jete i pranishem ne tere Kosoven sa me pare qe te jete e mundur, per te ndihmuar dhe per te mbikeqyrur realizimin ne terren te Planit gjithperfshires te presidentit Ahtisari", ka theksuar Hyseni.

Shefi i diplomacise kosovare ka riperseritur se EULEX-i eshte ftuar nga presidenti dhe Qeveria e Republikes se Kosoves qe me 17 shkurt 2008, gje qe eshte riperseritur ne muajin gusht nga presidenti i Kosoves.

*Baze e mjaftueshme per vendosjen e EULEX-it ne gjithe Kosoven eshte Deklarata e Pavaresise, Kushtetuta, plani i perbashket aksional i Bashkimit Evropian dhe natyrisht Pakoja gjithperfshirese e presidentit Ahtisari. E gjithe kjo e ben shume te qarte mandatin qe ka EULEX-i*, theksoi Hyseni

Sa u takon gjashte pikave te negociuara ndermjet OKB-se dhe Serbise, ministri Hyseni ka thene se, Prishtina i konsideron si problematike dhe joracionale, prandaj edhe jane refuzuar. Ai theksoi se "ruajtja e karakterit unitar dhe integritetit territorial te Republikes se Kosoves eshte e domosdoshme dhe e pazevendesushme dhe ka ftuar shtetet qe perbejne Grupin Nderkombetar Drejtues qe kjo te respektohet".

Ne fund te fjales se tij Hyseni ka riperseritur gatishmerine e institucioneve te Republikes se Kosoves per te vazhduar bashkepunimin e ngushte me partneret nderkombetare, Bashkimin Evropian dhe SHBA-te per vendosjen e EULEX-it ne tere territorin e Kosoves. Ministri i Jashtem i Kosoves eshte siguruar nga perfaqesuesit e shume vendeve te Grupit Drejtues Nderkombetar se karakteri unitar i Kosoves si dhe integriteti territorial i saj do te ruhet. (INA)