Artur Dauti i perket brezit te dyte te animatoreve te Kinostudios Shqiperia e Re qe sot nuk ekziston me. Si shume te tjere edhe Dauti, rralle e me rralle, shfaqet me ndonje projekt te filmit te animuar qe prodhohet me veshtiresi te medha. Por nuk ka qene me pak e lehte koha kur ngrihej Studioja e Filmit te Animuar, me 1975, pjese e te ciles ai u be pak me vone, pas studimeve.


Krijimtarine e tij te zgjedhur nga fillimet e deri me sot, prezanton sot Arkivi Qendror Shteteror i Filmit, duke mbyllur muajin kushtuar Filmit te Animuar. Sot, ora 12.00 autori eshte i pranishem gjate projeksionit te filmave Zeri i gjakut, zeri i tokes 1985, 12, Vur kopan 1989, 8, Gjiganti i vetmuar 1993, 8, Tuneli 2000, 7 dhe premiera e filmit te tij te fundit Torollaku 2010, 9.


Artur Dauti (1957) e kapi kete gjini ne periudhen kur aplikohej ende teknika tradicionale. Fillimisht ka qene kartoni, nje teknike e thjeshte per tu realizuar, cka kushtezonte edhe dramaturgjine, e cila mendohej nje lloj dramaturgjie argetuese dhe vete filmi i animuar si mjet edukues, se sa si nje lloj gjinie e mirefillte filmike.


Me vone filloi celofani qe ishte nje teknologji me e avancuar por qe kerkonte me shume pune. Por Dauti ka provuar jo pak teknika te animacionit si vizatim, akuarel, plasteline, siluete, kolazh, etj.. Filmi i tij i pare vizatimor eshte Genjeshtra i ka kembet e shkurtra i vitit 1981. Ka realizuar rreth 22 filma dhe eshte vleresuar me disa cmime kombetare dhe nderkombetare.