PROKURORIA
Drejtuesi i Task- Force se prokurorise se kryeqyteti, Dritan Rreshka sugjeron ndryshimin e legjislacionit

TIRANE- Imuniteti i zyrtareve te larte shteteror dhe gjyqtareve te shkalleve te ndryshme te gjyqesorit eshte bere pengese per njesine e task-forces prane Prokurorive te Rretheve per hetimin e tyre per afera korruptive.

Ky eshte shqetesimi i ngritur nga drejtuesi i Task-forces se luftes kunder krimin ekonomiko-financiar prane Prokurorise se Tiranes, prokurorit Dritan Rreshka i cili gjate nje takimi te organizuar nga UPDAT-i, sugjeroi qe te ndryshohet legjislacioni ne fuqi ne lidhje me imunitetin e zyrtareve te larte shteterore dhe gjyqtareve.

Imuniteti i zyrtareve te larte shteteror, si deputet, ministra apo edhe gjyqtar te te gjitha shkalleve te gjyqesorit eshte bere pengese ne punen e perditshme te njesise se task-forces, e cila ka hasur ne veshtiresi ne luftimin e korrupsionit ne keto nivele-tha drejtuesi i task-forces se Prokurorise se Tiranes, prokurori Rreshka.

Ne vazhdim te fjales se tij, ai vuri theksin se edhe pas heqjes se ketij imunitetit nga institucionet perkatese, ndaj zyrtarit apo gjyqtarit nuk mund te behet nje hetim cilesor per shkak se ai tashme eshte i lajmeruar per hetimin ndaj tij.

Ne rastet kur nje qytetar apo shoqeri denoncon nje iks zyrtare te larte shteteror apo nje gjyqtar te gjykates se nje iks niveli, ne nuk mund te bejme asnje veprim hetimor per shkak te imunitetit.

Edhe pas marrjes se iniciatives nga ana jone per te kerkuar heqjen e imunitetit, kjo procedur vonon dhe vete i hetuari njoftohet ne rruge te ndryshme per heqjen e imunitetit te tij-nenvizoi prokurori Rreshka, duke renditur rastet e hetimit dhe gjykimit te tre gjyqtareve te ndryshem.

Gjithashtu, sipas tij, njesia qe ai drejton ka marr ne hetim dhe i ka derguar per gjykim dosjet ku te pandehur kane qene dy prokuror, oficer te policise gjyqesore dhe rreth kater avokat te ndryshem te perfshire ne afera korrupsioni me zyrtaret e larte shteteror.

Po kete shqetesim, e ngriti edhe prokurori Arben Kraja, i cili mban detyren e kryeprokurorit te te gjitha task-forcave ne vend. Sipas tij, qeveria apo legjislatori duhet te beje ndryshime ne Kushtetute ose ne nenet e Kodit te Procedures Penale, ku behet fjale per imunitetet e personave te ndryshme.

Eshte pengese ne punet e perditshme imuniteti i personave, por, ne rastet e konstatimit te ndonje indicje per afera korrupsioni ne nuk do ndalemi ne hetimin ndaj tyre dhe dergimin para drejtesise.

Gjate vitit te kaluar edhe pse njesia e task-forces ka hetuar dhe derguar per gjykim, persona apo zyrtar te larte shteteror, nuk ka pas ndonje presion apo nderhyrje nga individe te ndryshem-tha Kraja, duke shtuar se tendenca e kallezimeve eshte ne rritje. Nderkohe, ish-shefi tashme i task-forces se prokurorise ne kryeqytet, prokuror Altin Dumani qe kryen detyren e prokurorit prane Gjykates se Apelit, u shpreh se nje vit pas konsolidimit te kesaj njesie eshte rritur besimi i qytetareve ndaj ketij institucioni.

Keto tre muajt e fundit, eshte dyfishuar volumi i punes per njesine e task-forces ne hetimin e dosjeve te korrupsionit, pasi edhe besimi qytetar eshte rritur por edhe njesia eshte konsoliduar me plotesimin e stafit te punes-tha Kraja.

Gjithashtu, prokurori Kraja theksoi se eshte rritur edhe bashkepunim me institucionet qe nenshkruan memorandumin e 7 majit 2007 duke iu shtuar ketij memorandumi edhe Kontrolli i Larte i Shtetit dhe Inspektorati i Larte i Deklarimeve dhe Kontrollit te Pasurive, te cilet kane sjell edhe stafin e tyre prane ketyre njesive.

Nderkaq, deri me tani, sipas drejtuesve te task-forces jane gjykuar dhe kane marr formen e prere mbi 28 vendime penale ndaj personave te ndryshem, per akuzat e shperdorimit te detyres; korrupsionit pasive e aktive te zyrtareve qe ushtrojne funksione publike etj etj.