Shkaktaret e infeksionit te veshit te mesem, grupmoshat me te prekura dhe shenjat e semundjes mjeku otorino-laringolog, Ylli Kercani, i shpjegoi ne numrin paraardhes. Sot, mjeku do te shpjegoje se si shfaqet, parandalohet dhe trajtohet kjo semundje, shenjat klinike te otitit te mesem, si mund te mjekohet dhe rekomandime per parandalimin e semundjes.

Mund te flasim per faktore ndihmues per shfaqjen e otitit te mesem?

Faktoret ndihmues jane te ndryshem dhe lidhen kryesisht me ndryshimet e temperatures, kohen e paqendrueshme, te cilat favorizojne shfaqjen e virozeve, qe behen shkak per bllokimin e rrugeve te siperme te frymemarrjes dhe si rezultat shfaqjen e problemeve te veshit te mesem.

Çfare shenjash klinike ka otiti i mesem?

Pacienti ankohet per dhimbje te forte, te menjehershme, pulsante te veshit. Pervec dhimbjes, ai mund te kete rrjedhje sekrecionesh nga veshi. Nese pacienti eshte femije, e shfaq dhimbjen me nervozitet dhe grindje pa shkak. Shpesh pacienti ka temperature, qe mund te shkoj deri ne 38-39 grade celsius, ka hunde te bllokuara. Ai ankohet per dhimbje koke dhe me rralle per humbje ekuilibri dhe marrje mendsh.

Si mjekohet otiti i mesem?

Nese pacienti nuk ka sekrecione nga veshi, mjekimi eshte me antibiotike me spekter te gjere veprimi. Por nese ka rrjedhje pervec antibiotikut, rekomandohet marrja e materialit per antibiograme per te evidentuar llojin e mikrobit. Ne kete rast shtohen vazokonstruktoret. Mjekimi zgjat deri ne 10 dite.

Mund te ndodhe qe semundja te kronicizohet?

Ne qofte se kjo semundje e veshit nuk trajtohet ne kohe sa ma te shpejt dhe efikase, mund te kronicizohet. Kjo do ta beje pacientin qe ti nenshtrohet kurave te vazhdueshme, sidomos ne periudhen e riakutizimit te semundjes pranvere dhe vjeshte.

Po nese trajtohet ne kohe mund te sherohet plotesisht?

Nese kapet ne kohe dhe trajtohet si duhet, otiti mund te kurohet fare mire. Megjithate, kjo eshte nje semundje qe nuk le imunitet keshtu qe, nese veshi bie ne kontakt serish me faktoret shperthyes te otitit, atehere semundja mund te riakutizohet.

Doktor, eshte e vertete qe periudha e plazhit ndikon ne shfaqjen dhe ne acarimin e otitit te mesem?

Po, kjo eshte shume e vertete, prandaj para plazhit duhet treguar nje kujdes maksimal per veshin, sidomos ata qe vuajne nga infeksione kronike te veshit. Keta persona, por dhe te tjeret, duhet te ruajne veshet nga kontakti me ujin e ndotur, duke vendosur tapa per veshet ose kapuc. Me pas mund te bejne dizifektimin e vesheve me alkool borik, te kene kujdes per hunden qe te mos u bllokohet, te thajne mire veshin. Mbi te gjitha duhet ta ruajne organin e degjimit nga trupat e huaj (sidomos rera), te cilet mund te futen ne hapesiren e veshit te mesem.

Mjekimi ne kushtet e shtepise
- vendosni kompresa te ngrohta, te thata ne vesh
- perdorni si qetesues alkool borik
- pini analgjezike per temperaturen
- perdorni vazokonstruktor per zhbllokimin e hundeve ilac me pika
- shmangni kontaktin e veshit me ujin, deri ne sherim te plote
(kur laheni mund te vendosni tapa veshi ose pambuk me ndonje solucion qe nuk deperton uji p.sh., vaj)
Parandalimi
-Regjim ushqimor i pasur me vitamina, per te rritur rezistencen e organizmit
- Veshje e pershtatshme, sipas ndryshimeve te temperatures
- higjiene e organeve ORL (veshe, hunde, goje) ne vecanti dhe konsulta me mjekun otorinolaringolog
- femijet e grupmoshes 2-5-10 vjec qe paraqesin sekrecione te shpeshta nga hundet, qe marrin fryme me goje hapur, qe jargosen shume, duhet te jene nen kontrollin e mjekut
- perdorni ilac me pika per te pasur hunde te zhbllokuara