Trashegimia, abuzimi me alkoolin, nje gjendje stresante apo dhe perdorimi pa kriter i medikamenteve jane nder shkaktaret kryesore te shfaqjes se gastritit kronik. Mjeku gastrohepatolog, Altin Cekodhima, shpjegon se si veprojne konkretisht keta faktore dhe cfare komplikacionesh mund te sjelle kjo semundje.

Çfare eshte gastriti akut dhe nga se shkaktohet?

Gastriti akut mund te perkufizohet si pezmatim i mukozes se stomakut. Kjo semundje shpesh shkaktohet nga infeksioni bakterial, viral dhe fungal, nje demtim toksik apo farmakologjik, por dhe nga abuzimi me alkoolin. Natyrisht, elementi gjenetik luan nje rol gati kryesor ne shfaqjen e ketyre shqetesimeve.

Por nuk jane te pakta rastet kur nje gjendje stresante behet burim per te shperthyer gastritin akut, apo dhe perdorimi per nje kohe te gjate i medikamenteve antidhimbje dhe antiinflamator, si aspirina, kortizoni etj. Ne shfaqjen e kesaj semundjeje ndikojne gjithashtu rrezatimet dhe traumat direkte.

Ju thate se medikamentet antidhimbje dhe antiinflamator ndikojne ne shfaqjen e gastritit. Si ndikojne konkretisht ne stomak?

Organizmi prodhon nje lloj enzime qe ka per funksion mbrojtjen e mukozes se stomakut. Keto medikamente qe permendem me siper ndikojne qe kjo enzime te mos prodhohet ne sasine e duhur, gje qe con ne ekspozimin direkt te mukozes gastrike ndaj aciditetit te tij, e per pasoje ne mahisjen e lehte te mukozes se mureve te stomakut deri ne erozione te saj.
Çfare komplikacionesh mund te sjelle gastriti akut?

Gastriti akut eshte nje proces inflamator, qe shpesh zgjidhet pa krijuar komplikacione. Sigurisht qe kerkon nje kujdes maksimal, sepse mund te sjelle komplikacione si anemi dhe ulcer.

Pse stina e dimrit eshte me problematikja per pacientet qe vuajne nga gastriti?
Mendohet se dimri ndikon disi te pacientet qe vuajne prej gastritit, sepse i ftohti i kesaj stine luan rol nxites ne spazmat e traktit tretes, sidomos te stomakut dhe zorres se trashe dhe ben qe pacientet vuajne nga stomaku te kene ankesa me te shpeshta ne kete periudhe. (Shenim Neser do te lexoni rekomandime mbi gastritet, trajtimi i gastritit dhe keshilla)

Faktoret predispozues

- Trashegimia
- Duhani
- Stresi
- Infeksionet
- Abuzimi me alkoolin

Shenjat

Shfaqet me dhimbje ne pjesen e siperme te barkut
- Veshtiresi ne tretje
- Ndjesi rendese
- Ndjesi djegie
- Te perziera
- Te vjella

Menyja

Duhen shmangur
Ushqimet e skuqura
Ushqimet pikante
Ushqimet e konservuara
Ushqimet shume te nxehta ose shume te ftohta
Pijet me gaz
Pijet alkoolike