Publikuar me : 26.11.2011 Ne :
Politike - 81 Lexime. Origjina : Gazeta Shekulli
Ashtu sikurse Kryeministri i Kosovës Hashim Thaçi dhe Presidentja e Kosovës Atifete Jahjaga, ka përshëndetur ditën e pavarësisë.
Jahjaga, ka uruar Presidentin Bamir Topi, me rastin e 99- vjetorit të Ditës së Flamurit Kombëtar.
“Bërja e Shqipërisë gati një shekull më parë dhe stabilizimi i saj përgjatë kësaj periudhe, përbën rrëfimin më të suksesshëm të historisë sonë kombëtare. Shtetbërja dhe shtetndërtimi i Kosovës pothuaj njëqind vjet më vonë dhe kontributi e përkrahja e Shqipërisë në këtë proces jetësor është kapitulli më i ndritur i kësaj historie”, thuhet më tej në urim.
Jahjaga vlerëson se Shqipëria është një vend demokratik, me vlera të qëndrueshme të civilizimit Evropian, i cili i kontribuon stabilitetit dhe paqes në rajon dhe botë, me vizion dhe përkushtim të qartë për idealin e integrimit euroatlantik.
Berisha - Jagland
Kryeministri, Sali Berisha, ka pritur në një takim Sekretarin e Përgjithshëm të Këshillit të Evropës, Thobjorn Jagland, i cili ndodhet në Tiranë me rastin e marrjes së presidencës së Këshillit të Ministrave të KE-së nga Shqipëria. Jagland ka uruar sukses në kryesimin e Këshillit të Ministrave të KE-së, kryesim të cilin Shqipëria e merr për herë të parë.
Berisha shfrytëzoi rastin për t’i ripohuar Sekretarit të Përgjithshëm të Këshillit...
