K. i Ekonomise miraton pr.ligjin per deklarimin e te ardhurave, Ahmetaj Nuk u perfshine propozimet tona
Publikuar me : 31.01.2012 Ne :
Politike - 34 Lexime. Origjina : Gazeta Shekulli
Projektligji për deklarimin e të ardhurave ka kaluar sot në Komisionin e Ekonomisë, ndërsa deputetët socialistë kanë abstenuar.
Përfaqësuesi i opozitës në këtë komision, Arben Ahmetaj, u shpreh se në hartimin e projektligjit nuk janë përfshirë propozimet e socialistëve, ndërsa kërkoi shtyrjen e këtij ligji.
“Në këtë pr/ligj nuk janë reflektuar propozimet tona. Administrata tatimore nuk ka kapacitete për përpunimin e të dhënave të deklarimit të të ardhurave. Projektligji të shtyhet deri në 2014-2015”, tha Ahmetaj.
Ndërsa sipas zv.ministrit të Financave, Alfred Rushaj, “të gjithë personat që realizojnë mbi 2 milionë lekë të reja në vit duhet të deklarojnë të ardhurat. Në bazë të këtij ligji do të përpunohen 100 mijë deklarime, të cilat duhet të përfundojnë deri në fund të muajit shtator”, tha ai.
Berisha - Jagland
Kryeministri, Sali Berisha, ka pritur në një takim Sekretarin e Përgjithshëm të Këshillit të Evropës, Thobjorn Jagland, i cili ndodhet në Tiranë me rastin e marrjes së presidencës së Këshillit të Ministrave të KE-së nga Shqipëria. Jagland ka uruar sukses në kryesimin e Këshillit të Ministrave të KE-së, kryesim të cilin Shqipëria e merr për herë të parë.
Berisha shfrytëzoi rastin për t’i ripohuar Sekretarit të Përgjithshëm të Këshillit...
