Kampione absolute

Publikuar me : 31.01.2012 Ne : Sport - 87 Lexime. Origjina : Gazeta Shekulli

Xhek Preçetaj

Një prezantim i përkryer i italianes Karolina Kostner në kampionatin evropian të patinazhit artistik. Një shfaqe mjaft e bukur nga ana e italianes, e cila rriti të marrë edhe medaljen e artë në këtë kampionat duke marrë plot 183,55 pikë. Ajo dominoi edhe në programin e lirë. Pas saj u rendit finlandezja, Kiria Korpi me 166.94 pikë (medalje e argjendtë). Ndërkohë vendin e tretë dhe medaljen prej bronzi e mori Elena Gedevanishvili nga Gjorgjia, me 165.93 pikë.

Kjo është medalja e katërt e artë për Karolinën. Ajo ka fituar edhe kampionatin evropian në vitin 2007 në Varshavë, Poloni, në vitin 2008 në Zagreb, Kroaci dhe në vitin 2010 në Talin, Estoni. por nuk duhen harruar edhe 3 medaljet e argjendta të marra në kampionatet evropiane të viteve 2006, 2009 dhe 2011. Për sa i përket fitoreve, ajo është ngjitur shtatë herë në podium në dhjetë pjesëmarrjet e saj në kampionatet evropiane.

“Këmbët i kisha të forta gur, megjithatë vazhdova dhe në fund arrita të fitoj. Më shumë se sa çmimi, vlen kënaqësia që ndiej kur patinoj. Kam ardhur këtu si favoritja e turneut dhe nuk më pëlqen, por arrita ta përballoj mirë situatën dhe të rimerrja titullin kampion dhe kjo më jep kënaqësi të dyfishtë”. Për sa i përket kategorisë për meshkuj, rusi Plushenko arriti të marrë medaljen e artë me 261.23 pikë. Ky ishte edhe rezultati personal më i mirë në karrierën e tij. Në vend të dytë u rendit bashkatdhetari i tij, Artur Gaçinski, me 246.27 pikë dhe në vendin e tretë me medalje bronzi u rendit francezi Florent Amodio me 234.18 pikë.