PERMET- Kapet ne flagrance me lende narkotike dhe pistolete, ndalohet i riu. 26-vjecari Xhevahir Doci nga Tropoja, prej disa kohesh banor i Gjirokastres, i denuar me pare me 13 muaj heqje lirie per konsumim te vepres penale armembajtje pa leje, eshte arrestuar, pas nje kontrolli te ushtruar ne automjetin me te cilin udhetonte. Mesohet se kane qene informacionet e marra ne rruge operative nga efektivet e Policise Kufitare ato qe flisnin per transport te lendeve narkotike.


Policia Kufitare e Stacionit Tri Urat Permet ka ngritur menjehere nje pike kontrolli ne hyrje te fshatit Çarshove me te gjitha masat e sigurise, ku pas disa minutash kane bere te mundur bllokimin e automjetit tip Benz me targa VL 0195 D, me drejtues mjeti shtetasin Xhevair Doci, 26 vjec, lindur ne Tropoje dhe banues ne Gjirokaster, i denuar me pare ne vitin 2009 me 13 muaj burg per armembajtje pa leje. Nga kontrolli paraprak rezultoi se ne bagazhin e automjetit u konstatua nje qese e mbeshtjelle me leter natriban, ku brenda saj kishte lende te dyshuar si marijuane, gjithsej 1 kilograme. Ne vendngjarje ka mberritur grupi hetimor dhe specialistet e Sektorit Kunder Narkotikeve ne Drejtorine e Policise se Qarkut Gjirokaster, te cilet kane bere nje kontroll me te imtesishem ne automjetin e lartpermendur ku si rezultat i ketij kontrolli u be e mundur qe ne tapicerine e tavanit mbi koken e shoferit te konstatohej nje arme zjarri Pistolete e tipit TT, me fisheke ne goje, se bashku me karikatorin me 6 fisheke te tjere (ky shtetas eshte larguar nga Tropoja per arsye te gjakmarrjes),-thuhet ne komunikaten zyrtare te policise per kete ngjarje.


Te njejtat burime kane pohuar se 26-vjecari e kishte blere lenden narkotike ne fshatin Lazarat dhe do tia shiste nje personi ne qytetin e Leskovikut. Policia pohon se po punon per identifikimin dhe ndalimin edhe te ketij personi dhe zbardhjen e plote te ketij rasti te transportit te lendeve narkotike. E.Bani