Kryeministrit Hashim Thaci i eshte konfirmuar njohja e pavaresise se Kosoves nga Princi i Katarit Sheik Abdullah bin Khalifa Al Thani. Ai ka deklaruar se vendimi zyrtar eshte ceshtje e procedurave formale qe do te permbyllen se shpejti.


Gjate nje interviste per Radio Televizionin e Kosoves, Kryeministri Thaci pohoi se njohje per shtetin e ri se shpejti do te vijne edhe nga Kuvajti dhe Omani.


Mu konfirmua nga Kryeministri i Katarit dhe po ashtu edhe nga Princi se ceshtja e njohjes se pavaresise eshte e kryer. Tani vetem pritet qe kjo ceshtje te formalizohet sipas procedurave qe ka Katari, ka thene Thaci.

Per viziten e pare te delegacionit te Kosoves, Mbreti i Katarit ka shtruar nje darke, ka njoftuar Agjencia e lajmeve e Katarit QNA.


Bisedimet gjate takimit kishin te bejne me bashkepunimin e perbashket dhe mjetet per forcimin e ketij bashkepunimi ne shume fusha. Nje varg ceshtjesh tjera te interesit te ndersjelle, rajonale dhe nderkombetare, po ashtu jane diskutuar, ka raportuar QNA. Kryeministri Thaci ka pasur takime edhe me Kryeministrin dhe Ministrin e Jashtem te Katarit si dhe me ambasadore te disa vendeve perendimore ne Doha.

Gjate qendrimit ne Katar, kreu i Qeverise se Kosoves ka vizituar te henen muzeun e arte ne kryeqytetin Doha.

Kryeministri Thaci gjate kesaj vizite u shoqerua nga Ambasadori i Kosoves ne Arabine Saudite, Rexhep Boja dhe keshilltaret e tij politike.


Ambasadori Boja e ka vleresuar viziten e Thacit ne Katar si shume te rendesishme, sidomos ne aspektin e lobimit. Katari eshte vend arab ne Lindjen e Mesme, me popullsi 77 per qind myslimane, nder vendet me te pasura ne bote, me rezerva te medha te naftes dhe gazit.


Nga Katari, Kryeministri Thaci do te udhetoje sot per ne New York, per tiu bashkuar delegacionit shteteror te Kosoves, Presidentit Fatmir Sejdiu dhe Ministrit te Jashtem, Skender Hyseni. Atje do lobohet kunder rezolutes serbe dhe per njohje te reja per shtetin e ri.