Keshilli i Europes, rezolute per Shqiperine Duhet dialog konstruktiv mes paleve

Publikuar me : 19.10.2011 Ne : Politike - 64 Lexime. Origjina : Gazeta Shekulli

Zgjedhjet lolale të 8 majit në Shqipëri kanë qenë temë diskutimi sot paradite në Këshillin e Europës. Në raporti e vëzhguesve të autoriteteve lokale për zgjedhjet e 8 majit, i prezantuar nga Vilkram Gebel, demokracia në Shqipëri cilësohet ende e brishtë, ndërsa bëhet thirrje për bashkëpunim ndërmjet palëve, në mënyrë që të mos përsëriten problemet e hasura në zgjedhjet e fundit lokale.

“Ne propozojmë që të ketë një forcim të marrëdhënieve midis partive politike për të pasur veprime të harmonizuara mes palëve. Partitë duhet të kenë dialog konstruktiv dhe bashkëpunim për zgjedhje më të mira në të ardhmen. Rekomandimi është për t’i dhënë një mundësi Shqipërisë se çfarë kërkon nga Bashkimi Europian”, tha Gebel.

Duke u ndalur në fushatën që parapri zgjedhjet, raporti thekson se ishte e karakterizuar nga polarizimi i debateve, tensione që u reflektuan edhe ditën e zgjedhjeve dhe më pas në numërimin e votave. “Momenti i numërimit të votave solli mjeft tensione. Dy polet partiake sollën interpretimet e tyre. Procesi i numërimit ishte herë pas here i bllokuar”, thuhet në raport.

Raporti mbi zgjedhjet e 8 majit, i cili u miratua me 86 vota pro, një kundër dhe një abstenim, do të shërbejë si një rekomandim për Shqipërinë përsa u përket zgjedhjeve të ardhshme.