Ministri i Shendetesise, Vasili, referoi ne komision parlamentar se kane nisur kontrolle te rrepta ndaj klinikave mjekesore private

Klinikat private do te jene ne shenjestren e kontrolleve te rrepta. Ne rast se grupi Task-Forc, i ngritur prej javesh per kete qellim, konstaton shkelje aktiviteti privat rrezikon edhe mbylljen.

Ministri i Shendetesise, Petrit Vasili, referoi dje ne Komisionin Parlamentar te Punes, Çeshtjeve Sociale dhe Shendetesise ne lidhje me urdhrin e fundit per ngritjen e nje grupi Task-Forc qe do te kontrolloje standardizimin e sherbimit shendetesor publik ne pergjithesi dhe atij privat ne vecanti.

Nderkohe, deputetet socialiste i kerkuan ministrit qe aksionet ndaj spitaleve private te mos behen vetem per efekte mediatike, por te jene reale dhe te vazhdueshme.

Kontrollet

Nisur nga ankesat e qytetareve e denoncimet per raste te pasaktesise se venies se diagnozave mjekesore, apo dhe te tjera, ne strukturat private, Ministria e Shendetesise ka ndermarre nje sere kontrollesh per verifikimin e standardeve te ofrimit te sherbimit shendetesor ne to.

Sherbim shendetesor jopublik duhet te jete i uniformizuar, duhet te kete standardet dhe qendrimi ndaj tij duhet te jete po aq objektiv, sa ai qe mbahet ndaj sherbimit publik, tha Vasili, duke shtuar se praktikat e reja te licencimit dhe vetedeklarimit, sipas tij, nenkuptojne ne menyre ligjore kontrollin e mepasshem te vertetesise se gjithe asaj qe eshte deklaruar nga subjekti, kur ai ka marre persiper te ofroje sherbim privat.

Per specifikat qe ka ky sektor, Vasili shpjegon se kontrolli eshte ndare ne 4 grupe te medha, spitalet private, klinikat e karakterit diagnostik, sherbimi stomatologjik, si dhe laboratoret dhe sherbimi farmaceutik. Nderkohe, per kete te fundit funksionon prej shume javesh Task-Force, ndersa specifike ka qene uniformizimi i sherbimit shteteror dhe privat.

Nderkohe, u vu ne dukje se ne rrethe eshte vene ne levizje mekanizmi i informacionit edhe per veprimtari eventuale mjekesore qe ofrohen ne menyre te paligjshme (pa licence) e qe jane fenomen akoma me negativ, informal, ne sinjalizim te te cilave do te mbahen qendrimet perkatese ligjore.

Ndeshkimet

Vendimet e marra nga grupet e kontrollit ne terren do te adresohen ne Task-Forcen perkatese, ndersa me tej do te procedohet me vendimet perkatese. Ne cdo shkelje te veprimtarise nuk do te kete hezitim edhe per kerkesen e nderprerjes se veprimtarise se aktivitetit.

Nuk do te kete negocim me kushte te ofrimit te sherbimit shendetesor qe nuk perputhen me standardet, thekson Vasili, duke shtuar se praktika e licencimit ka nisur ne vitin 2009 dhe duhet lene nje kohe e domosdoshme per hyrjen ne kete periudhe kontrolli dhe pergatitjen e mekanizmave perkates.

Protokollet mjekesore, harrohen 80perqind e tyre

Mbi 80 perqind e protokolleve te mjekimit jane pergatitur aktualisht, nderkohe qe po punohet me Qendren Kombetare te Cilesise, Sigurise dhe Akreditimit te Institucioneve, per ti standardizuar ne menyre perfundimtare, keshtu u shpreh ministri Vasili, i cili shpjegon se paralelisht me kete po punojne dhe grupet e perllogaritjes se kostos se sherbimeve shendetesore.

Protokollet e mjekimit dhe kostoja e sherbimeve shendetesore, sipas tij, jane nje mungese shume e gjate ne sistemin shendetesor dhe mendohet realizimi i ketij objektivi brenda vitit.