Kodheli Qeveria eshte e zhytur ne borxhe (sondazh)

Publikuar me : 27.10.2011 Ne : Politike - 89 Lexime. Origjina : Gazeta Shekulli

 “Niveli i borxhit shtetëror nuk është dhe nuk mund të jetë ai që pretendojnë institucionet prestigjioze të vendit”, u shpreh deputetja socialiste, Mimi Kodheli, gjatë seancës së sotme në Kuvend.

Sipas Fondit Monetar Ndërkombëtar, Shqipëria ka një nivel borxhi prej 59.2 për qind, ndërsa Ministria e Financave thotë se borxhi nuk e kalon 57.6 për qind. Sipas deputetes socialiste, qeveria mbetet e zhytur në borxhe, pavarësisht se institucionet shtetërore pretendojnë të kundërtën.

“Shqipëria duhet ta kishte borxhin në nivelin 40-45 për qind, por e ka 60 perqind, dhe ka mundësi edhe më tepër, pasi ne nuk e dimë se sa kjo qeveri është e zhytur në borxhe. Në vitin 1997, borxhi ishte 85 për qind. Në 2005-n, qeveria e gjeti në nivelin 55 për qind. Sipas FMN-së, në vitin 2013, borxhi i Shqipërisë duhet të ishte 55 perqind, por nuk do ta ketë dot, pasi nuk është plotësuar asnjë nga kërkesat e këtij institucioni”, tha Kodheli.

Ajo u ndal gjithashtu në një problem madhor me të cilin bankat po përballen kohët e fundit, kreditë e këqija. “Ato janë 5 ose 6 fishuar. Banka e Shqipërisë thotë që ky është një nivel normal, por ne mendojmë që ky është niveli më i keq që ka përjetuar ndonjëherë ekonomia shqiptare”, tha Kodheli.

 Sondazh

Note: There is a poll embedded within this post, please visit the site to participate in this post’s poll.

* * *

Rikthehen në Kuvend projektligjet që kërkojnë shumicë të cilësuar. Në rendin e ditës për seancën e sotme janë parashikuar pr/ligji për Gjykatën Administrative, projekligjet për Kodin Penal dhe atë civil si dhe projektligjet për Kodin Rrugor dhe atë detar.

Gjithashtu, në seancën e sotme ishte parashikuar edhe një interpelancë e ministrit të Brendshëm, Bujar Nishani, e thirrur nga deputeti socialiste Gazmir Bizhga, por ajo është shtyrë me kërkesë të këtij të fundit.