Komisioni i Venecias Shkrirja e KQZ, zgjedhje te lira

Publikuar me : 06.12.2011 Ne : Politike - 49 Lexime. Origjina : Gazeta Shekulli

Komisioni i Venecias ka bërë një analizë për zgjedhjet e 8 Majit, ndërsa ka dhënë edhe disa rekomandime për ndryshimin e ligjit zgjedhor. Në raportin e hartuar nga dy anëtarë, një ekspert i Komisionit të Venecias si dhe një ekspert i ODIHR, thuhet se KQZ mbetet rreziku më serioz për zgjedhjet në Shqipëri.

“Pas problemeve të mëdha që u vunë re me numërimin e votave në Tiranë, dhe veçanërisht me ato të hedhura në kutitë e gabuara, propozohen “ndryshime dhe qartësime në procedura”, duke kërkuar “përcaktim të qartë se si do të veprohet me votat e hedhura në kutinë e gabuar e po ashtu edhe pasqyrimi i tyre në tabelat e rezultateve”. Po ashtu, sugjerohet që “të specifikohet qartësisht se si duhet të veprohet në rastet kur votat dhe kutitë me materiale merren në dorëzim si të rregullta e pastaj dalin me problem serioze”.

Për Venecian, sfida kryesore është rikompozimi i KQZ-së dhe depolitizimi i administratës zgjedhore.

“Sfida kryesore mbetet largimi nga përbërja aktuale e komisioneve zgjedhore të bazuar në ekuilibrin mes dy partive kryesore, drejt një administrate zgjedhore, ku të jenë përfshirë edhe elementë jo politik dhe të paanshëm.

Në dokumentin e përbashkët të Komisionit të Venecias dhe OSBE/ODIHR-it, saktësohet se një peshë të madhe ka vullneti i forcave politike për të zbatuar ligjet.

“Duke ju referuar diferencës shumë të vogël të votave në garën për Bashkinë e Tiranës saktësohet se “çdo detaj kthehet potencialisht vendimtar dhe detyra e administratës zgjedhore, që të veprojë në mënyrë të paanshme, është jetike”.