Duket se nuk do te kishte kuptim 65-vjetori i batalionit partizan te Berzeshtes ne Rrethin e Librazhdit pa dy "ikonat" martire te regjimit komunist, Vilson Blloshmit dhe Genci Lekes. Krenaria jubilare e nderimit te Luftes Nacionalçlirimtare ne 65-vjetorin e krijimit te formacionit partizan ka nisur ne qender te fshatit te Berzeshtes, rreth 20 kilometra larg qytetit te Librazhdit. Pikerisht tek nje rrap disa shekullor, ku 65 vjet me pare djemte e kesaj krahine do te ngrinin te paren çete partizane qe me pas do t‘i bashkohej Brigades se 17 Sulmuese. Ishin niperit dhe pasuesit e familjeve te ketyre luftetareve qe do te perkujtonin me krenari dhe respekt vlerat dhe gjakun e te reneve 65 vjet me pare. Ishte iniciative e kreut te Komunes se Qukesit Imer Blloshmi, ku ben pjese edhe ky fshat, qe jubileu i kesaj çete te perkujtohej dhe te nderohej me krenari te ligjshme. Ndaj per kete qellim, ne sheshin e pjerret te ketij fshati, rreth 200 pjesemarres do te perjetonin dy oret e festes sa me nostalgji per rinine e atyre viteve qe e lidhi jeten e saj me luften aq dhe me krenarine se nga cili brez vinin dhe çfare misioni kishin ne keto vite te demokracise. "Nderojme gjakun e 22 djemve te Berzeshtes qe rane per liri e demokraci, jashte ndikimeve politike, por ne te njejten kohe perulemi para dy figurave te zones sone, Blloshmi dhe Leka, te cilet u martirizuan per fjalen e lire dhe jeten demokratike", do te shprehej kreu i kesaj komune. Rralle do te ndodhte qe mes krenarise se tepruar per ata qe rane per lirine e Atdheut te nderoheshin edhe dy te pushkatuar te regjimit te eger komunist, siç ishte rasti i dy poeteve nga Berzeshta, Genci Leka dhe Vilson Blloshmi qe u ekzekutuan ne menyren me barbare nga regjimi qe perendoi. Te pranishmit, te gjithe pa perjashtim, kane nderuar me te njejten monedhe respekti dhe obligimi jetesor si te renet ne lufte, ashtu edhe heronjte Blloshmi dhe Leka, qe diktatura komuniste ua preu jeten ne mes, vetem se ishin perpara kohes qe jetonin dhe mendimet e principet e tyre nuk perputheshin me direktivat e regjimit te Enver Hoxhes. "Une respektoj ata qe derdhen gjakun per liri, por ndihem mire qe ne kete feste partizane nderohet edhe vellai im bashke me shokun e tij te idealeve", ka pohuar Manushaqe Leka, motra e heroit te demokracise, Genci Leka. Jo thjesht per dekor, takimi jubilar ka marre ngjyra festive nga pjesemarrja e motrave kengetare Irma dhe Eranda Libohova.