Publikuar me : 28.12.2011 Ne :
Rajoni - 72 Lexime. Origjina : Gazeta Shekulli
Televizioni shtetëror në Korenë e Veriut transmetoi sot direkt funeralin e Kim Jong-il, i cili u nda nga jeta javën e kaluar.
Një limuzinë e zezë me portretin gjigant të “liderit të dashur” korean shoqërohej nga mijëra ushtarë, ndërsa një tjetër veturë transportonte arkivolin e mbuluar me të kuqe.
Në të djathtë të veturës shfaqej Kim Jong-Un, djali i tretë i Kim Jong-il, i cili do të zëvendësojë të atin në drejtimin e Koresë së Veriut.
Në pamjet e shfaqura nga televizioni shtetëror binte në sy zona e mbuluar nga një shtresë dëbore, ndërsa vijonte dëshpërimi dhe lotët e turmave të njerëzve në të dy anët e rrugës ku kalonte kortezhi mortor.
Pasi përshkoi rrugën kryesore në Penian, arkivoli me trupin e pajetë të Kim Jong-il ndaloi në Kumsusan Memorial Palace, ku ceremonia përfundoi pas tre orësh transmetim direkt në televizion.
G.N. / Redaksia Online
Monica Bonfanti
Zvicër – Shefja e Policisë së Gjenevës, Monica Bonfanti, ka thënë se një pjesë e madhe e përfitimeve nga krimi i organizuar, dërgohen në vendet e tyre të origjinës, në mënyrë ilegale, madje edhe për parti politike. Një pjesë e madhe e fitimeve të këtyre parave të fituara nga droga shkojnë në adresë të partive politike në Shqipëri.
Bonfanti ka thënë se në Zvicër ekziston një “komuniteti kriminal multietnik”. Sipas saj, në krimin e...
