Publikuar me : 07.12.2011 Ne :
Politike - 68 Lexime. Origjina : Gazeta Shekulli
Komisioni Qendror i Zgjedhjeve KQZ ka përgatitur një projekt- vendim për të gjobitur të gjitha partitë politike të cilat nuk kanë përfshirë femra sa parashikon ligji në zgjedhjet e 8 majit.
Ky projekt- vendim mund t`u kushtoj shtrenjtë kryetarëve të partive të cilët nuk kanë respektuar kuotën prej 30 perqind të përfshirjes së femrave në në zgjedhjet e fundit.
Burime nga selia rozë bëjnë të ditur se Partia Socialiste ka kundërshtuar këtë vendim të KQZ-së që sipas përfaqësuesit ligjor Genci Gjonçajt i ka tejkaluar afatet ligjore.
Nga 54 parti që u regjistruan në këto zgjedhje vetëm Partia Bashkimit Popullor i Pensionistëve e ka respektuar përfaqësimin me 30 perqind të grave në listat zgjedhore. Nga të dhënat paraprake të KQZ-së në tërësi të gjitha forcat politike kanë një detyrim prej 62 milion e 580 mijë lekë të reja.
Gjoba më të rënda do të vihen për partitë më të mëdha. PS mund të paguaj gjobën më të lartë 7 milion e 260 mijë lekë e ndjekur nga Lëvizja Socialiste për Integrim me 6 milion e 360 mijë lekë dhe më pas Partia Demokratike me 4 milionë e 590- mijë lekë.
ambasadori i OSBE-së, Eugen Volfart
Kreu i Prezencës së OSBE-së në Shqipëri, Eugen Volfart, ka zhvilluar sot një takim me liderin e opozitës, Edi Rama. Në përfundim të takim të zhvilluar në selinë e Partisë Socialiste, ambasadori i OSBE-së u shpreh se drafti i reformës zgjedhore “është i shkëlqyer” dhe tani nevojitet “hapi politik”.
“Në bisedën time me kryetarin e Partisë Socialiste, unë e përgëzova për punën e mirë të bërë nga bashkëkryetari Socialist...
