TIRANE - Komisioni Qendror i Zgjedhjeve ka shtyre vetem per dy jave djegien e fleteve te votimit, veprim i cili do te mbyllte cdo rruge negocimi mes mazhorances dhe opozites. Ne mbledhjen e djeshme, anetaret e KQZ-se votuan pro shtyrjes se vendimit pa afat, por i kontaktuar nga Shekulli Ristani pohoi se miratimi i vendimit eshte shtyre vetem per dy jave. Gjate kesaj kohe, politika shqiptare duhet te gjeje rrugen e kompromisit ose te dy forcat politike do te ndahen pergjithmone ne ceshtjen e zgjedhjeve dhe reformave.
Mbledhja e djeshme e KQZ-se nisi ne nje atmosfere disi te tensionuar, edhe per shkak te perplasjes se dy diteve me pare ne Kuvend. Perfaqesuesit socialiste ne KQZ kerkuan shtyrjen e marrjes se vendimit per djegien e fleteve te votimit. Sipas juristit Genc Gjoncaj, marrja e vendimit per djegien e fleteve ne nje kohe kur dy forcat kryesore jane perfshire ne nje proces negociatash per gjetjen e menyres per hetimin e zgjedhjeve parlamentare, do te shkaterronte frymen e bashkepunimit. Perfaqesuesi i PS-se tha se argumentet e perdorua nga administrata e KQZ-se nuk qendrojne dhe akuzoi administraten se vendimi per asgjesimin dhe djegien e fleteve te votimit behet vetem per nje qellim te vetem, ate te zhdukjes se provave te manipulimit te zgjedhjeve te kaluara. Asgjesimi i fleteve te votimit do te krijonte premisa per pengimin e organeve te drejtesise dhe do te pengonte marrjen e vendimeve te drejta. Une kerkoj qe ju te terhiqni, te ndryshoni apo te zhbeni materialin qe keni shkruar. Nuk mund te kete nje ftese per te diskutuar per djegien e fleteve te votimit sot. Mos beni figuren e Neronit te shekullit XXI, - u shpreh Gjoncaj. Pas leximit te qendrimit zyrtar te PS-se, dy perfaqesuesit e opozites braktisen punimet e mbledhjes. Te njejtin qendrim lidhur me shtyrjen e afatit per djegien e fleteve te votimit, mbajti edhe perfaqesuesi i PD-se ne KQZ, Niazi Kosovrasti. Duke theksuar rendesine e gjetjes se kompromisit midis dy aktoreve politike per zgjedhjet parlamentare, perfaqesuesi i PD-se kerkoi shtyrjen e votimit deri ne nje afat te papercaktuar. Ka nje korrespondence te zotit Astrit Patozi dhe i zotit Gramoz Ruci. Meqenese akoma ne PD lidhur me kete leter te Patozit nga zoti Ruci nuk ka ardhur nje pergjigje se cili eshte mendimi perfundimtar, une mendoj, dhe do tiu lutesha, qe kjo mbledhje te mos zhvillohet sot dhe te pritet pak kohe deri sa te vije nje pergjigje nga PS-ja se si e mendon ajo zhvillimin e metejshem te ngjarjeve, - theksoi Kosovrasti.
Keto propozime u hodhen ne votim dhe anetaret ishin pro shtyrjes se miratimit te vendimit. Por, kryetari i KQZ-se, Arben Ristani, ishte i vetmi, qe votoi kunder shtyrjes se vendimit per djegien e fleteve te votimit, duke theksuar se shtyrja e dates se pastrimit te fleteve te votimit do te rrezikoje zhvillimin e zgjedhjeve lokale. Detyra jone eshte organizimi i zgjedhjeve te ardhshme. Ne kemi qellim zbatimin e ligjit dhe per kete arsye do te isha kunder shtyrjes, megjithese pranoj se kemi edhe pak kohe ne dispozicion, - tha Ristani. Kreu i KQZ-se zbuloi detaje nga negociatat, duke u shprehur se dy forcat kryesore tashme i kane nderprere negociatat. Ai iu beri thirrje anetareve te KQZ-se qe te mos behen pjese e politikes, por te jene garant te zbatimit te ligjit. Per sa i perket komisionit hetimor une di qe, po kjo nuk eshte ne dijeni zyrtare, nuk eshte formuar dhe nuk ka funksionuar. Nuk kemi pse te behemi ne pjese e debatit politik. Politika kishte nje vit per ta zgjidhur, se zgjidhi, pune e tyre, - sqaroi Ristani.

______________


Vetem nje dite me pare, PS-se permes deputetit Xhafaj deklaroi se nuk do te njohe qeverine zjarrvenese, duke i bere apel te mos djege fletet, pasi bashke me to digjet dhe shansi i zgjidhjes se krizes.


Po dje, kreu i grupit parlamentar te PS-se, Gramoz Ruci, iu drejtua me nje keter PE-se ku shprehte pikerisht kete shqetesim.


Deputeti i PS-se, Fatmir Xhafaj ka deklaruar nga foltorja e kuvendit se opozita eshte e vendosur dhe e gatshme per mbledhjen e komisionit hetimor per te hetuar zgjedhjet e shkuara, pa te cilat, sipas tij nuk mund te kete zgjedhje te ardhshme te lira e te ndershme.


Mos luani me zjarrin. Ne nuk e njohim qeverine zjarrvenese- tha Xhafaj, duke iu referuar vendimit te KQZ-se per djegien e fleteve te votimit dhe pastrimin e kutive per ti pasur gati per vendoret e ardhshme.


Xhafaj ka theksuar se vendimi per te djegur fletet tregon qarte se duhet te zhduket prova qe fshihet brenda tyre. Sipas tij, nje pushtet qe djeg voten nuk mund te cilesohet legjitim.

_________________

Vendimi, KQZ djeg fletet e votimit. Hapja e kutive do kushtoje 3.1 milione leke

TIRANE- Komisioni Qendror i Zgjedhjeve ka bere gati projektvendimin dhe diten e premte pritet te miratoje djegien e fleteve te votimit. Ne nje kohe kur PS dhe PD pohojne se jane ende duke negociuar per krizen politike dhe celesi i zgjidhjes jane fletet e votimit, KQZ ben gati nje vendim qe mund te minoje cdo marreveshje mes dy partive. Te kontaktuar nga Shekulli, anetare te KQZ u shprehen ne dy linja te ndryshme ne lidhje me ceshtjen e fleteve. Te djathtet pohuan se do te zbatojne ligjin dhe fletet duhet te digjen ndersa te majtet thane se eshte nje projekt vendim, i cili do te shqyrtohet diten e premte dhe qellimi i tyre eshte ta ndryshojne.


Projektvendimi i KQZ-se eshte vene ne levizje nga vendimi i presidentit Topi per te dekretuar tete majin si daten e zgjedhjeve lokale. Madje per te permbyllur kete proces, KQZ ka miratuar edhe nje buxhet te posacem. Ne projektvendimin, i cili pritet te miratohet ne mbledhjen e dites se premte, KQZ parashikon te gjithe procesin, nga hapja e kutive deri tek djegia e fleteve te votimit si dhe afatet kohore brenda te cileve duhet te permbyllen pergatitjet. Duke marre parasysh se kemi te bejme me nje vendim qe mund te kalohet edhe me nje shumice te thjeshte, pra me nje votim kater me tre, projekti pritet te miratohet pa probleme nga dita e premte dhe menjehere do te fillohet me zbatimin e tij.


Qe ne momentin e hyrjes ne fuqi te vendimit te KQZ-se, deri ne perfundimin e ketij procesi duhet nje periudhe kohore rreth tre muaj. Kjo sipas KQZ-se, per faktin se i gjithe procesi i pergatitjes dhe miratimit te buxhetit si dhe procedurave te prokurimit kerkojne kohen e duhur ne perputhje me percaktimet ligjore per prokurimet publike. Se fundmi, eksperienca e konsiderueshme qe administrata e KQZ-se ka ne pergatitjen e infrastruktures zgjedhore ka treguar qe pergatitja e logjistikes, duke perfshire edhe impenjimin maksimal te te gjithe administrates, kerkon nje afat tremujor per te respektuar te gjithe kerkesat dhe afatet qe percakton Kodi Zgjedhor, -thekson KQZ.


Projektvendimin te cilin pritet ta miratoje brenda kesaj jave, KQZ e justifikon me nevojen qe ka administrata per fillimin e procesit te shqyrtimit te sasise se gjendjes se materialeve ekzistuese per te parashikuar buxhetin qe do te duhet per zhvillimin e zgjedhjeve te ardhshme. Materialet qe do te perdoren gjate zgjedhjeve lokale te 8 majit 2011 do te perbehen nga kutite e votimit dhe kutite e materialeve zgjedhore; paketa e kancelarive; kopje te kodeve zgjedhore; kodet e sigurise si dhe boja me te cilin ngjyroset gishti i votuesit.


Nese per boshatisjen e kutive aktuale te votimit do ti duheshin tre muaj kohe, per pergatitjen e zgjedhjeve lokale, KQZ parashikon ti nevojiten rreth shtate muaj kohe. Duket se efekti kohe eshte arsyeja e miratimit te vendimit ne mbledhjen e dites se premte me date 17 shtator. Projektvendimi i publikuar ne faqen zyrtare te internetit te KQZ-se, eshte gati dhe pret qe te fillohet se zbatuari menjehere pasi te jete votuar ne komision. Madje, nje tregues tjeter i faktit se KQZ kerkon ta mbylle shpejte procesin e boshatisjes se kutive te fleteve te votimit dhe materialeve zgjedhor ka te beje me vendosjen e dates se fillimit dhe perfundimit te ketij procesi brenda vitit 2010.

Hapja e kutive do te kushtoje 3.1 mln leke

I gjithe procesi i hapjes se kutive zgjedhore dhe djegies se fleteve te votimit do te kushtoje rreth 3.1 milione leke. Keto jane para te cilat Komisioni Qendror i Zgjedhjeve nuk i ka ne buxhetin e tij prandaj edhe do ti kerkoje qeverise shtese fondesh. Fondi prej 3.1 milione lekesh do te perdoret per pagat e punonjesve qe do te punesohen me kohe te pjesshme vetem per kete qellim si dhe blerjen e materialeve te nevojshme per kryerjen e procesit, sic jane lendet djegese, dosje, zarfe, leter A4, doreza plastike, fshesa, thase plastike, kamionet per transportimin e materialeve, automjete per transportimin e punonjesve, etj.