Konfliktet/ Ermal Nurja largohet nga drejtimi i Myftinise se Shkodres, ndersa nuk ka pranuar te prononcohet

Ish-myftiu Ndricim Sulejmani akuzon KMSH-ne se po eksperimenton me myftinine e Shkodres

SHKODER - Myftinia e Shkodres tashme eshte perfshire nga konfliktet. Ngjarja me e fundit eshte doreheqja e myftiut te ri te emeruar me 25 mars nga Komuniteti Mysliman Shqiptar, pas vendimit per largimin e imamit Ndricim Sulejmani. Megjithese nuk ka pranuar te prononcohet lidhur me kete vendim te marre vetem disa jave pas emerimit ne detyre, mesohet se ai ka pretenduar se shkaqet e largimit te tij kane qene personale.
Por ndryshe e ka komentuar kete largim te Nurjes, imami i shkarkuar nga detyra, Ndricim Sulejmani. Ky i fundit, ne nje komunikate per shtyp e ka akuzuar KMSH-ne se po eksperimenton me Myftinine e Shkodres. Lidhur me akuzat e ngritura ndaj tij per pengesen qe po i shkaktohej myftiut te ri, Sulejmani deklaroi se Nurja asnjehere nuk eshte takuar me Sulejmanin dhe as nuk ka pasur pengese apo perplasje per ceshtje dorezimesh apo te jete penguar nga Sulejmani qe te ushtroje kompetenca ne zyrat e myftinise. Kam theksuar qe Nurja eshte kolegu im. Ndersa per doreheqjen kam pershtypjen se verteton presionet psikologjike qe kryesia i ben kuadrove, sic e kam percjelle edhe ne komunikaten e shperndare per mediat. Kjo doreheqje nese eshte zyrtare, verteton krizen e thelle te kryesise, e cila po ben eksperimente me institucionin fetar te Myftinise se Shkodres dhe kuadrot e saj. Ky nuk eshte problem as i Sulejmanit, as i Nurjes, as i Bajraktarit, - tha ish-myftiu. - Shkarkimi ne shkelje te statusit, hapja me force e zyrave nga zyrtare te larte te KMSH-se dhe doreheqja e Nurjes jane argumente te gjalla te fajit per rendon mbi kryesine, perfundoi Sulejmani.


Ermal Nurja mesohet se ka dhene doreheqjen nga myftinia e Shkodres per arsye te cilesuar prej tij si personale. Nje gje e tille ka rindezur debatet dhe ka vertetuar krizen qe ekziston brenda ketij komuniteti ne Shkoder. Ne fakt, me pak se nje muaj me pare, ne nje mbledhje te saj KMSH vendosi shkarkimin e Sulejmanit, duke e akuzuar se po e shkepuste Myftinine e Shkodres nga drejtuesit e saj. Nderkohe vete imami ka akuzuar KMSH lidhur me shkeljet qe jane bere me pronat e myslimaneve ne kete qytet. Madje, pas shkarkimit ai e coi ceshtjen ne gjykate, duke e cilesuar ate si jo ne perputhje me statutin e KMSH-se. Teksa priste vendimin e gjykates, dera e zyres se Sulejmanit u shperthye per tia dhene keshtu detyren pasardhesit te tij, qe dje dha doreheqjen.