Kryetari i Komunes, Vesel Kocia, paralajmeron prishjet e radhes. Protestojne disa banore Kocia projektoi godinat qe me pas u prishen

Ne Ksamil prej javesh ishte shtuar ankthi i banoreve pas fjaleve te perhapura per nje tjeter operacion Bojaxhi si ai i majit dhe se fundi eshte konfirmuar nje operacion i tille i pritshem.

Kete e ka pohuar nje deklarate e kryetarit te komunes Vesel Kocia, pjese e nje thirrjeje qe komuna u beri banoreve per te mos iu bashkuar disa protestave qe po zhvillohen se fundi ne Ksamil, ku ne qender te akuzave, si e perfshire me prishjen biblike te mbi 200 ndertimeve kater muaj me pare, eshte vene komuna dhe kryetari i saj.

Vec njoftimit, duke folur dhe vete per protesten, Kocia tha se se shpejti do te kete nje tjeter operacion kundrejt gjithe atyre ndertimeve qe binin ndesh me planin urbanistik te miratuar per Ksamilin. Modalitetet e operacionit te pritshem nuk jane bere ende te ditura, por kryekomunari Kocia eshte mjaftuar ta konfirmoje aksionin e pritshem, ku ka vene theksin dhe te rrethimet e banesave, qe do te jene objekt i prishjeve.

Protesta

Edhe pse kreu i komunes se Ksamilit, Vesel Kocia, kontestoi deri diku operacionin Bojaxhi, duke u rreshtuar ne krah te banoreve ato dite ku nga germadhat ende dilte pluhur, shume zera nga radha e viktimave jave me pas thane se listat e prishjeve jane hartuar ne komune dhe nga vete dora e Kocise.

Por keto mbeten hamendje te paprovuara, ndoshta te nxitura dhe nga gjendja emocionale e momentit ku te demtuarit kerkonin medoemos nje kurban te atyshem. Ndersa ne protesten e djeshme u bene publike disa pyetesore te hartuar prej Albert Hoxhallit, i cili eshte vene ne krye te nje shoqate se sapoformuar per te demtuarit nga operacioni Bojaxhi.

Ne pyetesore, pyetjes se cili ua kishte bere projektin e shtepise qe me pas u ishte prishur, shume banore i pergjigjeshin Vesel Kocia apo Bledi, emri i inxhinierit te komunes. Kocia, i cili dhe ai ne profesion eshte inxhinier urbanist, kundrejt akuzes direkte qe i eshte bere, u pergjigj duke thene se asnjehere nuk kishte bere dicka qe te ishte e kundraligjshme. Ai tha se kishte bere projekte, por vetem si inxhinier urbanistike ne Sarande ku ka punuar vite me pare.

Ndersa nje banore e vjeter e Ksamilit tregoi godinen e saj ne Gentplan, ku per ngritjen e saj ka marre aprovimin e Kocise, por qe me pas i eshte rrafshuar, ndersa - sic tha - Kryetari i Komunes nuk i pergjigjej me per aprovimin qe i kishte dhene vete me gojen e tij. Po ashtu, te tjere banore ne proteste thane se Komuna dhe kryetari i saj jane shkaktare kryesore te asaj qe ndodhi ne maj te ketij viti ne Ksamil.

Perse policet ndertimore te Komunes na lane te ndertonim nese ishim kunder ligjit?!, Perse komuna na dha uje e drita e po ashtu na merrte detyrimet per to, nese ishim te jashteligjshem?! ishin keto disa nga ankesat e banoreve ne proteste.

Ne fund te saj, udheheqesi i protestes, Alber Hoxhalli, i cili tregoi dhe nje dokument qe, sipas tij, i ishte falsifikuar nga komuna, tha se do bente padi ndaj kryetarit Vesel Kocia me akuzen per shperdorim detyre e abuzime me postin.

Reagimi

Kryetari i Komunes Ksamil, Vesel Kocia, e ka quajtur protesten e disa banoreve si te deshtuar, duke e gjykuar nga numri i vogel i pjesemarrjes ne krahasim me numrin e madh te ndertimeve te prishura 4 muaj me pare. Madje sipas tij, protesta eshte e kompromentuar dhe nga koha kur zhvillohet, 4 muaj pas operacionit Bojaxhi. Ai e quajti kete levizje si te sajuar nga qarqe te majta me afrimin e zgjedhjeve lokale, sipas tij, per te hedhur balte mbi komunen dhe e quajti udheheqesin e saj, Albert Hoxhalli si trafikant trojesh e emigrantesh.

Ndersa njerezit qe protestonin i quajti te mjere, per shkak se, sipas tij, ishin te manipuluar politikisht. Ne anen tjeter, kembenguljes se gazetareve per tiu pergjigjur akuzave konkrete, sic eshte autoresia e tij mbi projektet e shtepive qe me pas jane prishur, Kocia u mjaftua ti trajtoje si politike, duke shprehur njeheresh dhe nervozizem ndaj gazetareve per menyren se si po i drejtohej pyetja.