Publikuar me : 22.01.2012 Ne :
Sport - 35 Lexime. Origjina : Gazeta Shekulli
Endi Tufa
Një ditë nga përballja gjigante mes Realit të Madridit dhe Barcelonës në çerekfinalet e Kupës së Mbretit në Spanjë, për të ndezur atmosferën mendon Ksavi Hernandez. Kapiteni katalunjas ka bërë parashikimin e tij, duke thënë seBarcelonado të fitojë ndaj rivalëve të përjetshëm, duke treguar në të njëjtën kohë se është skuadra më e fortë në botë.
“Këto ndeshje janë historike dhe të vështira për t’u parashikuar. Sigurisht është një sfidë shumë e fortë, por jemi të gatshëm për të dhënë maksimumin. Kemi fituar edhe herë të tjera në “Santiago Bernabeu” dhe mund ta bëjmë sërish për të treguar se vazhdojmë të jemi skuadra më e fortë”, tha Ksavi, i cili fundjavën e shkuar regjistroi ndeshjen e 400-të me fanellën “blaugrana”.
Kapiteni tha gjithashtu se çelësi i suksesit të Barcelonës do të jetë sërish Lionel Mesi. Fituesi i freskët i “Topit të Artë” ishte vendimtar në përballjet e fundit, ndërsa sipas Ksavit ai do të vendosë edhe fatin e “klasikes”. “Leo mund të bëjë gjithmonë diferencën në fushë dhe kështu do të jetë edhe në ndeshjen e ardhshme”, përfundoi Ksavi.Barcelonaka pesë pikë më pak se Reali i Madridit në kampionat, ndërsa kërkon të marrë një revansh të vogël, duke eliminuar skuadrën e Mourinjos nga Kupa e Mbretit në Spanjë.
Kombetarja
Edmond Sufaj
Skuadra kombëtare e femrave të Shqipërisë, do të marrë pjesë në ndeshjet eliminatore në kompeticionet europiane dhe botërore. Pas paraqitjeve mbresëlënëse në tre takimet e fundit miqësore, pritet zyrtarizimi i pjesëmarrjes së saj në ndeshjet eliminatore në fund të vitit. “Në fund të vitit presim që të marrim konfirmimin zyrtar nga FIFA dhe UEFA për pjesëmarrjen e kombëtares së femrave në ndeshjet zyrtare”, tha sekretari i përgjithshëm i...
