TIRANE- Emigrantet jane shtresa e pare e shoqerise qe ndjejne efektet e krizave ekonomike qe perjetojne ekonomite e shteteve ku ata jetojne. Dy vitet e kaluara, treguan se kriza qe preku ekonomite evropiane, perfshire edhe shtete si Greqia dhe Italia ku kane emigruar me se shumti shqiptaret, u pasqyrua me ngushtim te hapesirave te punesimit per keta te fundit duke shkaktuar keshtu kthimin ne atdhe te nje numri te konsiderueshem te tyre.

Nisur nga keto zhvillime por edhe nga detyrimet qe percakton marreveshja e ripranimit qe Shqiperia ka me vendet e BE-se, qeveria ka propozuar nje sere ndryshimesh ne ligjin Per emigrantet duke percaktuar disa praktika te reja te trajtimit te tyre.

Emigrantet qe do te riatdhesohen nga shtetet ne te cilat ata kane shkuar per qellime punesimi do te kene mundesi qe te ndjekin kurse formimi profesional apo te gjuheve te huaja falas.

Statusi i emigrantit krijon mundesine qe mbajtesi/titullari i ketij statusi te perfitoje nga kurset e formimit orientues, pa pagese, per mesimin e gjuhes, ose te njohurive baze per profesionet e kerkuara nga shteti prites, per shtetasit shqiptare qe deshirojne te emigrojne dhe per pjesetaret e familjes se tyre, si dhe nga programet e nxitjes se punesimit dhe kurset e formimit profesional publik falas, per emigrantet e rikthyer.

Per te perfituar nga keto lehtesi, te riatdhesuarit duhet qe te kene qendruar ne vendin e emigrimit me shume se nje vit, ndersa kushti themelor ka te beje me shenimin ne Regjistrin per emigrantet, prane sporteleve te migracionit ne zyrat perkatese te punesimit, cka ben te marrin edhe statusin e emigrantit. Ne fakt, statusin e emigrantit nuk mund ta perfitoje cdokush qe ka emigruar jashte vendit dhe per shkaqe te ndryshme eshte rikthyer.

Referuar percaktimeve ligjore, per te perfituar statusin, emigranti duhet fillimisht te dorezoje prane sporteleve te migracionit nje kopje te kontrates se punes ne vendin nga ai eshte riatdhesuar, nese eshte i vetepunesuar duhet te vertetoje kete me ane te dokumenteve. Ne rastet kur aplikanti eshte i aferm i njerit prej kategorive te mesiperme, krahas dokumenteve ne fjale, ai duhet te dorezoje edhe nje dokument kur te vertetoje se eshte pjesetar i familjes.

Statusi i emigrantit krijon mundesine qe mbajtesi i tij te perfitoje nga kurset e formimit orientues per mesimin e gjuhes, ose te njohurive baze per profesionet e kerkuara nga shteti prites, per ata qe deshirojne te emigrojne dhe per pjesetaret e familjes se tyre. Krahas kesaj, ata qe kane statusin e emigrantit perfitojne pa pagese edhe nga programet e nxitjes se punesimit dhe kurset e formimit profesional publik falas, per emigrantet e rikthyer.

Ndryshimet ne ligj gjithashtu perfshijne edhe ndermarrjen e politikave integruese kryesisht per femijet e emigranteve te riatdhesuar. Pjese e saj eshte edhe integrimi i tyre ne sistemin shkollor shqiptar si dhe njohjen e kualifikimeve te fituara ne vendet ku kane jetuar me pare.

Nderkaq, ndryshimet ligjore parashikojne mbeshtetjen e emigranteve ne vendet ku ata jetojne nga perfaqesite tona diplomatike me ane te informimit per legjislacionin e shtetit ku jane, hapjen e shkollave shqipe, zhvillimin e aktiviteteve, etj.

Koncesioni ka nje kohezgjatje ne nje afat 10 vjecar dhe kompania pritet te investoje rreth 10 milione euro
Pullat fiskale me koncesion, debate ne Kuvend

TIRANE- Dhenia me koncesion e pullave fiskale eshte bere shkak per debate te ashpra ne Komisionin e Ekonomise. Me shume se me arsyen e dhenies tek privati te ketij sherbimi, i cili deri me tani ofrohej nga shteti, deputetet socialiste dhe ata demokrate debatuan per minuta te tera lidhur me kompanine fituese si dhe aksioneret e saj. Qeveria permbylli ne mes te muajit dhjetor procesin e dhenies me koncesion te sherbimit te prodhimit te pullave fiskale duke shpallur ne fund te gares fituese nje kompani te huaj.

Ne kete pike kane debatuar edhe te majtet te cilet kerkuan nga perfaqesuesit e Ministrise se Financave ne mbledhje qe ti ofronin te gjithe dokumentacionin e tenderit si, procedurat e ndjekura deri ne shpalljen e fituesit si dhe te dhena ne lidhje me pronesine apo aksioneret e kompanise fituese. Permendja gjate diskutimit nga deputetet e majte te biznesmenit Damir Fazllic, i cili njihet edhe si mik i kryeministrit Berisha, gje te cilen ai e ka deklaruar edhe ne parlament, ka ndezur edhe me tej debatin midis perfaqesuesve te te dyja forcave politike.

Ju keni pjesen me te madhe te koncesioneve ne prokurori, keshtu qe nuk eshte cudi qe ne te kerkojme te dhena per aksioneret e kompanise fituese, - tha ne debat e siper deputeti socialist Arben Malaj.

Sipas marreveshjes, e cila pritet te miratohet ne seance plenare, kompania do te ngreje nje sistem prodhimi dhe kontrolli te pullave fiskale, te cilat ngjiten tek paketat e cigareve, pijet alkoolike, ilacet, etj. Koncesioni ka nje kohezgjatje ne nje afat 10 vjecar dhe kompania pritet te investoje rreth 10 milione euro.

Pullat fiskale do te permbajne kater elemente sigurie per te eliminuar falsifikimet e mundshme te tyre, duke filluar qe nga aplikimi i nje boje te posacme per Shqiperine e deri tek vendosja e nje kodi unik te padukshem. Pjese e ketij koncesioni eshte edhe pajisja me pulla fiskale te shisheve te birres. Pulla per keto te fundit do te stampohet ne pjesen e siperme te tapes me boje te posacme.