Publikuar me : 25.09.2011 Ne :
Ekonomi dhe Biznes - 36 Lexime. Origjina : Gazeta Shekulli
Fondi Monetar Ndërkombëtar (FMN) premton t`i vijë në ndihmë ekonomisë globale dhe të ndërmarrë veprime për zbutjen e krizës së borxhit të eurozonës. Në një deklaratë të kreut të FMN-së Kristin Lagard, fondi zotohet të rishikojë burimet që ka në dispozicion për menaxhimin e krizës.
Vendet e eurozones, thuhej gjithashtu në deklaratë, do të bëjnë ç`është e mundur për të zgjidhur ngërçin e krijuar. Por, në asnjë moment pohimi i FMN-së nuk ofronte detaje specifike nëse do të vihen në dispozicion edhe para shtesë.
“Kapaciteti ynë i huadhënies prej gati 400 miliardë dollarësh duket i rehatshëm sot, por është i zbehtë krahasuar me nevojat e financimeve potenciale për vendet e dobësuara dhe soditësit e krizës”, tha shefja e FMN-së, Kristin Lagard në Uashington.
“Sado e rëndë të duket situata në këtë moment, duhet të shohim edhe atë punë që është duke u bërë ndërkohë, atë çfarë është arritur. Normat financiare, menaxhimi i krizës, përmirësimi i qeverisjes brenda eurozonës apo forcimi i kapitalit në banka, duhet të them se janë hedhur edhe hapa përpara”, u shpreh Lagarde.
Pak ditë më parë, FMN paralajmëroi se ekonomia botërore rrezikon të shkojë drejt një spiraleje rënieje, nëse politika nuk ndërmerr hapat e duhur.
Biznesi shqiptar, foto arkiv
Krizën ekonomike ata po e ndjejnë gjithmonë e më shumë janë bizneset. Në bazë të të dhënave fiskale për 4 mujorin e këtij viti vërehet se tatim fitimi, i cili është pasqyrimi i ecurisë ekonomike të bizneseve, është ulur ndjeshëm. Shifrat e raportuara nga Ministria e Financave mbi ecurinë e treguesve fiskal tregojnë se përsëri zëri i të ardhurave nga tatimi mbi fitimin mbetet zëri më negativ, çka nënkupton krizën financiare që po...
