Publikuar me : 22.12.2011 Ne :
Sociale - 84 Lexime. Origjina : Gazeta Shekulli
Një familje australiane ka hyrë në librin e rekordeve Guinness për numrin më të madh të dritave që zbukurojnë shtëpinë e tyre gjatë festës së Krishtlindjeve.
David dhe Janean Richards, nga kryeqyteti australian, Kanberra, e kanë zbukuruar shtëpinë e tyre me 331,038 drita të ngjyrave të ndryshme.
Çifti Richards shpresojnë se fama që do të vijë nga rekordi i ri do të ndikojë pozitivisht në misionin e tyre të mbledhjes së parave për bamirësi.
Në mënyrë që të shpalleshin fitues, atyre u duhej të dekoronin shtëpinë e tyre me të paktën 250 000 drita. Organizatorët e Rekordeve Guinness në Londër u kërkuan atyre të bënin një video ku dritat e ndezura të shfaqeshin për të paktën 10 minuta.
Pas verifikimeve, familja Richards u shpallën zyrtarisht si rekordmbajtës për numrin më të madh të dritave të festës.
Zbukurimi i shtëpisë, oborrit dhe pemës gjigante në mes të tij ishte kthyer në pasion për zotin Richards. Një pasion që u rrit me kalimin e viteve e që sipas tij ka për qëllim t’i bëjë njerëzit të buzëqeshin.
Përgatiti: G. Ndoja
Aurora Molla
Aurora Molla një nga viktimat e aksidentit tragjik të ditës së hënës është varrosur një ditë me vonesë, pasi prindërit kanë dashur të përmbushin amanetin e saj.
Aurora e kishte ndjerë fatin e saj që e priste, dhe para se të largohej i kishte thënë së ëmës se do të vinte në shtëpi edhe e vdekur për të festuar ditëlindjen e të fejuarit të saj, Erjon Maxhari, më 23 maj.
Ky i fundit nuk është përmbajtur në ceremoninë e varrimit, pasi i ka rënë...
