TIRANE - Ndersa ne media flitet per kerkesat e derguara ne Parlament nga Prokuroria e Pergjithshme mbi heqjen e imunitetit te dy deputeteve, ish-ministrave Prifti e Meta, ka qene Partia Demokratike forca qe ka propozuar dje nje projektvendim per kufizimin e imunitetit, sipas deshires se vete deputeteve. Ne mbledhjen e djeshme te grupit parlamentar Demokrat, kreu i ketij grupimi, Astrit Patozi, ka bere te ditur per publikun permbajtjen e kesaj nisme.

Ky ligj, i cili pritet te kaloje se shpejti ne Parlament dhe qe mban titullin Per kufizimin e imunitetit te deputetit dhe kushtet per autorizimin e ndjekjes penale eshte kopjuar prej praktikave ligjore te Bundestagut gjerman. Ligji, ne rast se miratohet dhe hyn ne fuqi, u jep mundesine deputeteve qe te heqin dore nga imuniteti duke plotesuar nje formular te thjeshte.

Çdo te zgjedhuri qe bie dakord me kufizimin e imunitetit, do ti shenohet emri ne nje liste qe me pas do ti dergohet Prokurorise se Pergjithshme, qe do te kete mundesi me ne fund te hetoje dhe deputetet, kur ata kane deshire. Por efekti i ligjit nuk pritet te jete kushedi se cfare, duke qene se deputeteve nuk u kufizohet as liria e levizjes, e as mund te kontrollohen personalisht, apo banesat e tyre. Pra hetimet qe do te bente te mundur ky ligj jane gjithsesi te mangeta.

Miratimi i ketij ligji te vecante, i cili do te behet pa prekur Kushtetuten e Republikes se Shqiperise kerkon nje shumice te thjeshte prej 71 votash.

Ky vendim do te behet pjese e Rregullores se Kuvendit si aneks i saj dhe do te jete i hapur per nenshkrime nga deputetet gjate gjithe legjislatures.

Per legjislaturen aktuale deputetet mund te depozitojne tek Kryetari i Kuvendit pelqimin me shkrim per kufizimin e imunitetit, brenda 10 ditesh nga hyrja ne fuqi e ketij vendimi. Lista e deputeteve do te behet publike dhe do ti dergohet se bashku me nje kopje te vendimit Prokurorit te Pergjithshem.

Ne projektvendim thuhet se cdo ndryshim i mevonshem i kesaj liste, nepermjet dhenies se pelqimit me shkrim per deputete qe nuk e kane bere ate ose terheqjes se deklarates, depozitohet tek Kryetari i Kuvendit, behet publike dhe i njoftohet menjehere Prokurorit te Pergjithshem.

Ne te gjitha rastet kur nevojat e hetimit dhe te ndjekjes penale nuk mbulohen nga kufizimi i imunitetit, sipas pikes se ketij ligji te propozuar nga PD, ose kur deputeti nuk dorezon, ose terheq pelqimin me shkrim, atehere Kuvendi do te vendose heqjen e imunitetit sipas nenit 118 te Rregullores se Kuvendit.

Sipas nenit 1 te ketij drafti, me dhenien e pelqimit nga ligjvenesi miratohet kufizimi i imunitetit te deputeteve per fillimin e ndjekjes penale per veprat penale qe lidhen me korrupsionin aktiv dhe pasiv, sipas dispozitave te Kodit Penal.

Per keto vepra penale kufizimi i imunitetit te deputetit behet per te gjithe kohezgjatjen e mandatit, per ata deputete qe deklarojne me shkrim pelqimin per kufizimin e imunitetit. Ne kete nen sqarohet se pelqimi me shkrim depozitohet tek Kryetari i Kuvendit dhe eshte i vlefshem deri ne perfundimin e Legjislatures, me perjashtim te rastit kur deputeti deklaron me shkrim terheqjen e saj.

Por kufizimi i imunitetit, nuk i shtrin efektet mbi masat dhe veprimet procedurale per masat shtrenguese qe shkaktojne kufizim te lirise se levizjes, kontrollin e personit, kontrollin e baneses ose se zyres se deputetit, keqyrjen e personit dhe masen e arrestit.

Ligji duket me teper si nje levizje demagogjike politike, sepse deputetit i lihet ne deshiren e vet heqja e imunitetit, po ashtu dhe rimarrja e tij. Por nuk eshte keshtu per kryeministrin Berisha, i cili shprehu mbeshtetjen per kete vendim duke theksuar se permes kesaj nisme adaptohet pike per pike, praktika mbi 40-vjecare e parlamentit gjerman, vend i cili deputetet nuk kane vendosur te ndryshojne Kushtetuten, por te adaptojne nje praktike te tille. Sipas tij, kjo perben zhvillimin me pozitiv ne reformat e tyre ne luften kunder korrupsionit.

Berisha Shembullin e japim ne si parti
Me kishin deklaruar Sali, pse ju si parti nuk jepni vete shembullin, dhe ne e dhame shembullin. Ne serish japim shembullin dhe e bejme kete, ne nje kohe kur kemi perballe nje Prokurori, qe fle mbi qindra e qindra dosje te ish-qeverise se meparshme dhe qeveritareve vendor socialiste dhe ka hapur qindra ceshtje penale, ndaj qeverise dhe administrates aktuale, per te cilat une e falenderoj, - deklaroi Berisha.

Hiqet imuniteti vetem sipas pelqimit
Çfaredo lloj motivacioni, selektiv, arbitrar, apo politik ne kete projektvendim eshte absolutisht i eliminuar, sepse projektvendimi zbatohet vetem tek deputetet qe depozitojne me shkrim pelqimin per kufizimin e imunitetit per keto vepra penale dhe eshte i vlefshem deri ne fund te Legjislatures, ose kur deputeti e terheq pelqimin me shkrim, - thuhet ne relacionin e ketij projektvendimi.