Masa/ Luljeta Zeqaj kishte kerkuar vetem nje muaj me pare ne gjykate mbrojtje nga dhuna e bashkeshortit

FIER - Vendoset masat e arrestit burg pa afat ndaj nene e bir, te akuzuar per vrasjen e kryefamiljarit Ylli Zeqaj, 48 vjec, nga Fieri, ngjarje kjo e ndodhur me daten 23 korrik. Luljeta Zeqaj dhe djali i saj 16-vjecar akuzohen per vrasje te kryer ne bashkepunim. Pas ndalimit te tyre, djali ka pohuar vrasjen e babait ne prani edhe te nenes se tij.

Kete fakt e ka pohuar edhe kjo e fundit ne seancen e mases se vleresimit te sigurimit ne gjykaten e Fierit, te vetmin pohim qe ka dhene me goje para ardhjes se gjyqtarit, pasi me pas per te dy te pandehurit ka folur avokati i tyre Toto Avdia. Nderkohe, gjyqtari i kesaj ceshtjeje, Gentjan Hamitaj, ka vendosur mospranimin e gazetareve ne sallen e gjyqit.

Ne fjalen e tij avokati Avdia eshte shprehur per te akuzuaren Luljeta Zeqaj se arrestimi i saj eshte i paligjshem dhe kerkoi nje mase me te lehte sigurie, ndersa per 16-vjecarin tha se arrestimi eshte i ligjshem duke kerkuar edhe per masen e sigurise arrest shtepie, nisur kjo edhe nga mosha e tij.

Nderkohe, perfaqesuesi i akuzes, prokurori Çlirim Sino, deklaroi se Luljeta Zeqaj dhe i biri kane shkuar ne shtepine e tyre dhe kane debatuar me viktimen Ylli Zeqaj per nje ndarje muri.

Autoret e dyshuar te vrasjes nuk kane qene dakord qe te behej nje ndarje e tille dhe ky ka qene burimi i konfliktit.

Mesohet se 48-vjecari ka nxjerre nje thike duke i kercenuar ata. Por kjo ka irrituar me shume djalin e tij 16-vjecar, i cili ka qelluar me thike disa here ne trupin e babait derisa ai ka dhene shpirt ne dyshemene e dhomes.

Nuk ishte here e pare qe ne kete familje nga ana e viktimes krijoheshin skena grindjeje deri edhe ne rrahje te Luljetes. Sipas prokurorit, gruaja ka nje shenje thike ne dore, per te cilen ende po hetohet se si eshte bere.

Mesohet se 45-vjecarja para se te ndodhte vrasja kishte kerkuar ne Gjykaten e Fierit nje leshim urdhri per mbrojtjen e saj. Kjo kerkese me nje vendim nr.1443, date 23.06.2010 eshte refuzuar nga gjykata per mungese faktesh dhe provash.

Gjithsesi, pas kerkeses se prokurorit i cili kerkoi per te dy te pandehurit arrestin ne burg, si dhe te avokatit qe kerkoi mase me te lehte sigurie, nga ana e gjyqtarit te gatshem eshte vendosur pranimi i kerkeses se organit te akuzes ndersa per 16-vjecarin atvrases pritet qe ceshtja ti delegohet gjykates se te miturve. K.Thanasi