Remzi Hoxha
Autoritetet kosovare konfirmojne pranimin e leter porosise per deshmitarin Avdyl Loshaj

TIRANE- Gjykata per Krime te Renda ne kryeqytet, ka pranuar kerkesen e Avdyl alias Armando Loshajt per ta marre ne pyetje per llogari te procesit gjyqesor ndaj ish-drejtuesve te SHIK-ut ne njeren prej Gjykatave te Kosoves.

Keshtu, togat e zeza te kesaj gjykate kane njoftuar dje palet se leter-porosia e nisur ne Kosove ka marr drejtim dhe pritet vetem caktimi i nje date per marrjen ne pyetje te njerit prej tre viktimave te rrembimit dhe tortures te ushtruar nga agjentet e SHIK-ut, te pandehurit Arben Sefgjini, Avni Koldashi dhe Ilir Kumbaro.

Gjithashtu, po dje peseshja gjykuese e kryesuar nga gjyqtari Gurali Brahimllari njoftoi palet se edhe autoritetet e shtetit italian, kane caktuar tre data te ndryshme per te marre ne pyetje kater deshmitaret e akuzes, ish-punonjes te SHIK-ut ne Vaine te Lezhes.

Vend, ku mendohet se te pandehurit i kane derguar viktimat e tyre Ziso Kristopuli, Avdyl Loshaj dhe Remzi Hoxha, trupi i te cilit ende nuk eshte gjetur. Sipas shkreses se ardhur nga autoritetet italiane, mesohet se me date 23 qershor, Gjykata e Trevizos ka planifikuar marrjen ne pyetje te deshmitarit Riza Shehu ish-agjent SHIK-u, me pas me 25 qershor 2010 ne Gjykaten e Pistoias do te pyeten dy deshmitaret Flutura e Gjok Hasanaj te njohur si ish-punonjes te godines se Vaines ne Lezhe si dhe me 8 korrik Gjykata e Romes ka planifikuar seancen gjyqesore te marrjes ne pyetje te deshmitarit Martin Miraj ish-shefit te SHIK-ut ne Lezhe. Sipas gjykates, palet nese jane te interesuar per te qene prezent ne momentin e marrjes ne pyetje te deshmitareve, te jene prezent ne keto data.

Procesi gjyqesor ndaj te pandehurve Sefgjini, Koldashi dhe Kumbaro ndodhet ne fazen perfundimtare te marrjes se provave te organit te akuzes. Sipas prokurorise, te pandehurit akuzohen se kane organizuar, rrembyer dhe torturuar shtetasit Ziso Kristopuli, Avdyl Loshaj dhe Remzi Hoxha, trupi i te cilit ende nuk eshte gjetur.