Deputeti i Partise Socialiste, Arben Malaj, ne nje interviste per gazeten Shekulli sqaron qendrimin ne salle se bashku me deputetin Harasani

Votimi kunder buxhetit qe i varferon shqiptaret dhe qe e perkeqeson te ardhmen e tyre, nuk na bene pergjegjes per asnje thyerje vendimi

TIRANE - Deputeti i Partise Socialiste, Arben Malaj, sqaroi dje voten kunder buxhetit te qeverise, si dhe problemet qe mund te lindin prej tij vitin e ardhshem. Ne nje interviste per gazeten Shekulli, ish-ministri i Financave ka shpjeguar buxhetin alternativ te opozites, vendimin e tij dhe te Harasanit per te qendruar ne salle, marredheniet e opozites me parlamentin dhe strategjine e re politike.

Zoti Malaj, ne oret e para te mengjesit te djeshem u votua nen per nen buxheti. Si e vleresoni ju kete votim dhe cfare do te sjelle ky buxhet per shqiptaret?

Buxheti vitit 2011 nuk eshte realist, rritja ekonomike eshte me shume se shume optimiste, ndersa mungesa e pergjegjshmerise per uljen e deficitit dhe te borxhit perfaqeson nje risk te rritur per vendin.

Qeveria po fsheh permasat e deficitit dhe te borxhit, qeveria tenton te keqperdore per qellime elektorale buxhetin, qeveria kerkon ta spostoje krizen per vitet e tjera, kur ndoshta do te jete shume vone per ta ndalur ortekun e perkeqesimit te financave te vendit dhe te cdo shqiptari.

Te gjitha qeverite, ne cdo vend, edhe te rajonit, kane marre pergjegjesine per te qartesuar taksapaguesit e vendit te tyre per paketat buxhetore te shkurtimit te shpenzimeve dhe rritjen e te ardhurave.

E kane bere kete, sepse e dine se cdo vonese e thellon kete krize. Ndaj, ne propozuam uljen e deficitit, propozuam shkurtimin e shpenzimeve duke qartesuar qe nuk duhet te shkurtohen shpenzimet per arsimin dhe shendetesine, ku shkurtimet e vitit te kaluar 50-60perqind ishin drastike, jo thjeshte per nje vit, por per disa vite.

Ju, se bashku me deputetin Andis Harasani, paraqitet dy amendamente, te cilat nuk u votuan kunder nga mazhoranca. Mendoni se ishte nje kundershtim politik apo profesional?

Qendrimi mazhorances ishte teresisht politik. Edhe ne diskutimin ne komision, vete qeveria pranonte qe rritja ekonomike ne 2011-en mund te kete risqe potenciale nga zhvillimet edhe ne vendet e tjera partnere, aq me shume qe Italia, partneri tregtar me i madh sipas institucioneve nderkombetare paralajmerohet se jo vone do te jete ne nje krize buxhetore.

Qeveria ishte demagogjike kur kundershtonte thelbin e propozimit tone, uljen e rritjes ekonomike, uljen e deficitit buxhetor. Qeveria u tregua hipokrite kur tentonte te miratonte propozime plotesuese, te cilat merrnin vlere si pjese integrale e buxhetit tone alternativ.

Nderkohe qe grupi parlamentar Socialist u largua nga Kuvendi, ju, se bashku me deputetin Harasani, qendruat ne salle. Pse e ndermoret kete vendim?

Ishte vazhdim normal i gjithe procesit. Koleget tane e mbeshteten buxhetin tone alternativ, disa shtuan propozime konkrete. Duke argumentuar papergjegjshmerine e mazhorances per sfidat qe ka vendi, nuk do te ishte serioze qe si iniciues te buxhetit alternativ ne te braktisnim debatin parlamentar.

A mendoni se mund te kete pasoja per kete thyerje vendimi?

Eshte gjeja e fundit qe me shqeteson. Pergjegjshmeria ndaj sfidave te vendit, votimi kunder buxhetit qe i varferon shqiptaret dhe qe e perkeqeson te ardhmen e tyre, nuk na bene pergjegjes per asnje thyerje vendimi, por duhet te na beje te pergjegjshem gjithnje e me shume, sepse dhe pasojat e keqqeverisjes po behen gjithnje e me te renda.
Qendrimi jone me vote kunder i preu cdo rruge mazhorances te abuzonte se ajo do te votonte buxhetin alternativ.

Me voten tone kunder, gjithashtu i kemi prere rrugen cdo hipokrizie politike, qe ne vend te rritjes se pergjegjesise politike dhe publike per te qartesuar kostot e keqqeverisjes se vendit, presin te fitojne avantazh partiak duke shpresuar penalizimin e kolegeve.

Kam pare shume eksperienca te vendeve me demokraci te zhvilluar, ku deputetet nuk synohet te konvertohen ne manekine, por nxiten te rrisin performancen e tyre. Kur ata prodhojne iniciativa qe i sherbejne transparences dhe debatit publik per sfidat kryesore te vendit, ata inkurajohen dhe jo penalizohen.

Zoti Malaj, ka me shume se nje vit qe Partia Socialiste mban nje marredhenie te kushtezuar me Parlamentin. A vleresoni se ka ardhur momenti qe ky qendrim te ndryshoje?

Vete lidershipi i PS-se ka deklaruar se ka ndryshuar qendrim. Eshte bere nje oferte e re politike per ta nxjerre vendin nga kriza politike. Duhet te dalim sa me pare nga kjo krize, edhe sepse zgjedhjet vendore jane jo shume larg dhe po afrohen gjithnje e me shume...

Si e konsideroni aksionin politik qe po ndiqet nga Partia Socialiste, duke pasur parasysh dhe ndermarrjen e protestave dhe cfare do te ndryshonit ne kete qendrim?

Protestat jane nje reagim demokratik dhe nje instrument i rendesishem i demokracive per te influencuar ne menyre demokratike ndaljen e keqqeverisjes se vendit dhe per sfidat e vendit te tyre.

Ato jane shume te rendesishme dhe behen akoma me shume te efektshme ne qofte se nuk konsiderohen instrumenti i vetem i opozites dhe ne qofte se shoqerohen me efikasitetin e oponences parlamentare.

Ne rast se do te kete nje dalje tjeter te opozites, ju dhe deputete te tjere, te cilet njihen si Mendimi Ndryshe ne Partine Socialiste do te qendrojne ne Parlament per te votuar?
Shpresoj shume se Partia Socialiste eshte e angazhuar per ta zgjidhur krizen, oferta e saj tashme eshte zyrtare dhe publike. Me pelqen te shikoj nga e ardhmja, jo te mbetem i mberthyer nga e kaluara.

Deshiroj qe Partia Socialiste te arrije nje angazhim te plote parlamentar, te kete iniciative konkrete parlamentare, te debatoje dhe te shprehet me voten e qarte per ceshtjet me te rendesishme te vendit, sic natyrshem nje nga me te rendesishmit edhe per opoziten eshte buxheti i vendit.

Se fundmi, si e shikoni moszgjidhjen e krizes politike dhe kostot qe ka per vendin?
Moszgjidhjen e krizes e konsideroj deshtim me te madh te tranzicionit shqiptar, e shikoj si arsyen konkrete pse shqiptaret jane kaq te zhgenjyer nga politika dhe politikanet e tyre.
Kostot jane te konsiderueshme, ato jane politike - perkeqesimi i besimit publik ndaj institucioneve te vendit te tyre.

Kostot jane ekonomike, sepse besimi i konsumatorit dhe investitoreve po perkeqesohet. Ato jane sociale, sepse kudo krizat politike dhe ekonomike prodhojne me shume agresivitet e paqendrueshmeri politike, dhe te tria se bashku prodhojne me shume varferi.

Votimi kunder

Qendrimi jone me vote kunder i preu cdo rruge mazhorances te abuzonte se ajo do te votonte buxhetin alternativ. Me voten tone kunder, gjithashtu i kemi prere rrugen cdo hipokrizie politike, qe ne vend te rritjes se pergjegjesise politike dhe publike per te qartesuar kostot e keqqeverisjes se vendit, presin te fitojne avantazh partiak duke shpresuar penalizimin e kolegeve.

Thyerja e vendimit

Eshte gjeja e fundit qe me shqeteson. Pergjegjshmeria ndaj sfidave te vendit, votimi kunder buxhetit qe i varferon shqiptaret dhe qe e perkeqeson te ardhmen e tyre, nuk na bene pergjegjes per asnje thyerje vendimi, por duhet te na beje te pergjegjshem gjithnje e me shume, sepse dhe pasojat e keqqeverisjes po behen gjithnje e me te renda.

Rruga e protestave

Protestat jane nje reagim demokratik dhe nje instrument i rendesishem i demokracive per te influencuar ne menyre demokratike ndaljen e keqqeverisjes se vendit dhe per sfidat e vendit te tyre. Ato jane shume te rendesishme dhe behen akoma me shume te efektshme ne qofte se nuk konsiderohen instrumenti i vetem i opozites dhe ne qofte se shoqerohen me efikasitetin e oponences parlamentare.

Kostot e krizes

Kostot jane te konsiderueshme, ato jane politike - perkeqesimi i besimit publik ndaj institucioneve te vendit te tyre. Kostot jane ekonomike, sepse besimi i konsumatorit dhe investitoreve po perkeqesohet. Ato jane sociale, sepse kudo krizat politike dhe ekonomike prodhojne me shume agresivitet e paqendrueshmeri politike, dhe te tria se bashku prodhojne me shume varferi.