Masa ndaj uljes se temperaturave

Publikuar me : 31.01.2012 Ne : Kronike - 38 Lexime. Origjina : Gazeta Shekulli

Për shkak të rënies së temperaturave, të cilat do të përfshijnë pothuajse gjithë vendin, policia kërkon nga të gjithë drejtuesit e mjeteve të marrin masat, ndërsa vë theksin në përdorimin e zinxhirëve dhe të mjeteve të tjera mbrojtëse.

Policia njofton se në Kukës, aksi rrugor Topojan – Shishtavec është i pakalueshëm, ndërkohë Topojan – Kukës i kalueshëm me zinxhirë. Kalohet me zinxhirë aksi Ujmisht – Lusen – Bushtricë-Kala Dodës në drejtim të Peshkopisë, si dhe aksi Shëmri – Qafë Shllak.

Akset rrugore Peshkopi – Sllovë – Kala e Dodës,  Reç – Zall – Dardhë – Aras – Muhurr – Peshkopi janë të kalueshme me zinxhirë dhe me vështirësi, pasi ka shtresa akulli. Po ashtu akset Bulqizë – Shupenz – Ostren dhe Stëblevë – Librazhd  janë të  kalueshme me zinxhirë.
Vështirësi paraqet aksi Aras – Lurë, i cili është i  pakalueshëm, ndërsa po punohet për pastrimin e këtij aksi.

Në rrethin e Malësisë së Madhe ka dëborë në zonat e thella, lëvizet  me zinxhirë në aksin Koplik – Razëm. Po ashtu dhe në akset Bogë – Theth, Salcë – Vermosh, po punohet për pastrimin e tyre.

Në rrethin e Pukës, akset Fushë Arrës – Qafë Mali- Qafë Shllak,  Qafë Mali – Dardhë  dhe Fushë Arrës – Iballë janë të kalueshme me zinxhirë. Po punohet në vazhdimësi me entin pronar të rrugëve për normalizimin e gjendjes së rrugëve në të gjitha akset rrugore.

Një pjesë e akseve rrugore, ende janë të bllokuara nga bora

Në akset në zonat e thella të Mirditës në drejtim të Lurës kalohet me zinxhirë.

Aksi Librazhd – Bulqizë momentalisht është i kalueshëm me zinxhirë dhe me vështirësi, pasi ka dhe shtresa akulli. Aktualisht po punohet për pastrimin e këtij aksi.

Në segmentin rrugor Korçë – Qafa e Qarrit,  lëvizja e automjeteve bëhet me zinxhirë; po ashtu dhe në akset rrugor Korçë – Boboshticë – Dardhë dhe Korçë – Voskopojë qarkullohet me zinxhirë.
Në segmentin rrugor Vlorë – Llogora, lëvizja e automjeteve në disa segmente që kanë shtresa akulli dhe vetëm gjatë orëve të natës dhe të mëngjesit, bëhet me zinxhirë, ndërsa gjatë orëve të mesditës kalohet pa zinxhirë. Aktualisht po punohet në vazhdimësi me entin pronar të rrugëve për normalizimin e gjendjes.