Maturantet mund te zgjedhin 10 programe studimi, prej 264 qe ofrojne universitetet publike ne te gjithe vendin

Nxenesit do te kene ne dispozicion 15 dite per plotesimin dhe dorezimin e formularit te preferencave

Formulari A2, duke filluar qe nga dita e sotme, gjendet ne te gjitha shkollat e mesme te vendit, ku maturantet kane rreth dy jave kohe per terheqjen, plotesimin dhe dorezimin e tij. Ne kete formular, maturantet mund te zgjedhin 10 preferenca mes 264 programeve te studimit qe ofrohen nga te 12 universitetet publike ne vend. Ne nje renditje nga 1 ne 10 nxenesit duhet te vendosin kodet qe perfaqesojne programet e studimit.

Ne kuadratin prane programit te studimit, duhet vendosur numri i preferences, ku kodi i programit te studimit i shenuar te tabela e preferencave, duhet te jete i njejte me ate ku eshte shenuar numri i preferences perkatese.

Per shembull, nese ne preferencen 1 eshte shenuar programi i studimit 015, atehere ne kuadratin prane programit te studimit 015 duhet te shenohet numri 1. Nese gabohet ne keto plotesime, si i vlefshem do te merret kodi i programit te studimit qe eshte shenuar te tabela e preferencave, (djathtas lart).

Rregullorja e Matures Shteterore 2010 parashikon qe nese maturanti zgjedh fakultetin me natyre te perafert studimi me profilin qe ka ndjekur gjate viteve te shkolles se mesme, koeficientet jane me te larte. Ne kete menyre, edhe mundesia e pranimit ne universitet do te jete me e madhe.

Kandidati do te shpallet fitues vetem ne nje nga programet e studimit qe ka zgjedhur sipas parimit Merite - Preference, sipas te cilit fituesi percaktohet sipas pikeve te grumbulluara ne baze te rezultateve te shkolles se mesme, te provimeve te Matures Shteterore dhe per programe studimi te caktuara, edhe ne baze te plotesimit te kritereve te vecanta, te vendosura nga institucionet e arsimit te larte dhe te miratuara nga Ministria e Arsimit dhe Shkences.

Parimi i preferences percaktohet nga vullneti i kandidateve, i shprehur nepermjet preferences me te larte te zgjedhur prej tyre. Fituesit ne nje program studimi te zgjedhur, percaktohen nga kuotat per ate program studimi.

MASH kujton se eshte e detyrueshme qe ky formular te plotesohet me emrin, mbiemrin dhe firmen, tuaj; emrin, mbiemrin dhe firmen e mesuesit kujdestar, si dhe me emrin mbiemrin dhe firme te drejtorit te shkolles, bashke me vulen e shkolles, pasi mungesa e njerit prej ketyre elementeve e ben formularin e plotesuar te pavlefshem.

Per te mos gabuar ne plotesimin e formularit MASH, ne udhezimin e bashkangjitur formularit A2 u sugjeron maturanteve qe te plotesojne fillimisht nje kopje te formularit dhe me pas te plotesojne formularin origjinal, i cili duhet te dorezohet prane shkolles. Per te kryer te gjitha keto procedura, nxenesit do te kene ne dispozicion dy jave kohe.