Gjykata vendosi te lere ne burg dje Leonard dhe Dritan Leken, te akuzuar per vrasje ne bashkepunim te nenes dhe motres se tyre me 18 mars. Fillimisht ne gjykate u paraqit 28-vjecari Leonard Leka i mbrojtur nga nje avokat i percaktuar nga gjykata. Leka tha se ndihej i penduar per krimin e kryer.

Konfliktet mes nesh ishin ne vazhdimesi. Ne grindeshim shpesh pasi jetonim ngjitur ne nje banese. Nena dhe motra ktheheshin vone. Nuk silleshin mire. Motra kishte lidhje te dyshimta dhe nena gjithashtu. Nuk e durova me kete situate dhe i vrava.

Kjo ishte deshmia e tij para trupit gjykues. Nderkohe, sipas prokurorit, eshte vertetuar se Leonard Leka dhe i vellai jane perdorues droge, por nderkohe nuk ka perjashtuar asnje shkak tjeter per krimin e ndodhur. Pasi ka degjuar palet, gjyqtarja ka dhene masen e arrestit burg pa afat per 28-vjecarin.

Nderkohe, vetem nje ore pas tij ne gjykate, u paraqit edhe vellai me i vogel, 26-vjecari Dritan Sokrat Leka. Ky i fundit u perball me te njejten akuze, por ai nuk e pranoi pjesemarrjen ne krim. Isha ne pjesen tjeter te shtepise kur degjova te shtenat. Po ta dija cfare do te ndodhte, do ta kisha ndaluar vellane. Ika nga vendi i ngjarjes i tmerruar per shkak te asaj qe ndodhi. Nuk kam asnje lidhje me kete ngjarje. Jam i pafajshem, deklaroi Dritani. Togat e zeza vendosen per te dy masen e sigurise arrest ne burg, nderkohe qe seancat u zhvilluan me dyer te mbyllura.

Nderkohe, mbetet person ne kerkim babai i dy djemve Sokrat Shefqet Leka, i cili u largua qysh diten e krimit. Mesohet se ndaj tij nuk ka ende nje akuze per shkak te mosberjes se qarte te pozicionit te tij ne kete krim.

Ish-bashkeshorti Djali-vrases shpif
Ish-bashkeshorti i Donika Lengos qe nuk do te identifikohet me emer, me inicialet G.Gj., tashme rreth 70 vjec kerkon te tregoje te verteten e historise mbi fjalet e hedhura nga djali i Donikes per perfshirjen e tij ne shkakun qe solli krimin. Kam 30 vjet qe nuk e shoh me Doniken dhe 20 vjet vajzen time. Ka qene aty nga vitet 70 kur jemi ndare dhe me pas nuk kam dashur ta di ku jetonte ajo.

Per vajzen kam dhene pension deri sa u be 21 vjec. Edhe kur eshte nderprere pensioni ka ndodhur pasi ajo nuk me degjoi mua si baba. Une desha ta fejoj dhe madje ajo e pelqeu dhendrin, por me pas e ktheu dhe nuk pranoi me. Nese do te kishte ndjekur keshillat e mia, ime bije do te ishte ende gjalle. Ndihem shume i fyer per shpifjet absurde qe jane deklaruar ne organet kompetente. Une jo vetem qe se kam pare e takuar, por nuk e dija cfare behej me Doniken derisa mora vesh vrasjen.

Kjo ngjarje me tronditi jashte mase, sepse ishte vajza ime, ndaj se ciles kam detyrime edhe pas vdekjes tragjike. Nuk shkova dot ne varrim, por kam porositur nje kurore me lule, te cilen do tia dergoj. Aty do ti shkruaj I pergjeruar me shume dashuri e mall, nga babai. Familja ime eshte tronditur shume nga kjo ngjarje dhe sidomos kur shpifet ne menyre te tille nga i biri vrases.