Hakmarrja/ Vrasja e babait te autores ne vitin 1997 sjell krimin 13 vjet me pas. Policia arreston 37-vjecaren qe e pranoi menjehere krimin e kryer.

Femijet e dy familjeve mbeten jetime. Kryefamiljaret ndodhen te dy ne burg, njeri per vrasje, tjetri per armembajtje pa leje

ELBASAN - Godet per vdekje fqinjen me leve per tu hakmarre per vrasjen e babait te saj nga bashkeshorti i viktimes.

gjarja ka ndodhur rreth ores 17 50 kur Antoneta Hysa, 37 vjec, ka goditur fqinjen e saj Esma Xibraku 45 vjec me banim rreth 100 metra larg shtepise se autores se krimit. Hysa e kishte thirrur fqinjen e saj per nje sqarim, por gjate debatit qe kane bere ajo ka marre leven dhe e ka goditur ne koke.

Kane qene femijet qe kane zbuluar vrasjen e tmerrshme. Aktualisht nuk percaktohet si krim me paramendim por sipas policies, shkaku i te gjithe ngjarjes ishte nje krim i vjeter per te cilin bashkeshorti i viktimes vuante denimin.

Sulmet dhe sherret mes dy familjeve vazhdonin prej vitesh, por se fundi ishin bere me te mprehta dhe shkaku vinte nga viti 1997 kur bashkeshorti i Esma Xibrakut kishte vrare me arme zjarri te atin e Antoneta Hyses.

Nderkohe, si rezultat i ketij konflikti mesohet se familja Hysa kishte edhe nje arme automatike te cilen policia e kishte sekuestruar dy dite me pare gjate nje kontrolli te befasishem ne shtepine e autores se krimit te djeshem.

Besim Hysa ishte arrestuar per armembajtje dhe pikerisht gjate qendrimit te tij ne qeli eshte regjistruar edhe krimi i vrasjes nga bashkeshortja e tij.

Policia

Burimet zyrtare te policise bejne te ditur se menjehere pas njoftimit kane mberritur ne vendin e ngjarjes ku kane gjetur te vrare ne nje dhome me leve shtetasen Esma Xibraku, 45 vjec. Nga informacionet e grumbulluara mesohet se shtetasja Antoneta Hysa eshte autorja e krimit dhe eshte arrestuar teksa po largohej ne pjesen e ullishtes se fshatit.

Gruaja pasi eshte arrestuar ka pranuar krimin e vrasjes. Ajo ka thene se e vrau, sepse fatkeqesite e familjes se saj kishin ardhur pikerisht nga familja e viktimes.

Policia deklaron se vrasja eshte kryer per hakmarrje. Njekohesisht policia deklaron se dy dite me pare eshte arrestuar bashkeshorti i autores se krimit, i cili mbante nje arme tip kallashnikov. Shkak i kontrolleve te policise ka qene nje grindje qe dy familjet kishin pasur me pare.

Policia ka marre informacion per ekzistencen e nje arme qe mund te sillte pasoja me te renda per konfliktin e lindur mes tyre dhe ka kryer kontrollin duke arrestuar edhe zoteruesin e kallashnikovit.

Femije pa prinder

Femijet e dy familjeve, ne gjendje tronditjeje psikologjike jane gjendur pa prinderit e tyre dhe me skenen e nje vrasjeje ne mendje. Policia ka vendosur ne njerin prej mjeteve tre femijet e vegjel te Antoneta Hyses.

Ne fytyrat e tyre dukej tronditja e kesaj ngjarjeje te rende qe tronditi te gjithe fshatin Licaj. Nderkohe djali i madh i Esma Xibrakut eshte perballur me ngjarjen e rende te vrasjes se nenes se tij kur per shume vite nuk sheh babane ne burg.

Agjentet jane munduar te qetesojne e te ndihmojne femijet e viktimes dhe gjithashtu te gjejne nje strehe per femijet e autores se krimit per faktin se babai i tyre ndodhet ne qeli per armembajtje pa leje. Te dy familjet ishin ne gjendje te varfer ekonomike.

Tashme dy familjet konsiderohen te shkaterruara. Gruaja 37-vjecare vendosi pas shume vitesh te marre hak per te atin edhe pse autori vuante denimin ne burg me 20 vjet heqje lirie per vrasje.

Konfliktet e vazhdueshme mes dy familjeve duket se nuk kane shuar krimin e vjeter, por e kane nxitur ate duke perfunduar me nje tjeter vrasje, kete here te nje gruaje krejtesisht te pafajshme.

Ne Elbasan regjistrohet brenda dy ditesh krimi i dyte per hakmarrje. 52-vjecari Gezim Alikaj u vra nga tre persona ne qytetin e Elbasanit me shkakun se vellai i tij kishte vrare vellane e njerit prej autoreve te krimit.