Nje grua e re, nene e nje femije te mitur u vetevra dje paradite ne Tirane, duke u hedhur nga kati i peste i nje pallati, ndersa mesoi se ishte diagnostikuar me semundje te rende tumorale ne koke. Enfrida Llalla, 20 vjece, nga Gramshi, kishte ardhur ne Tirane per te kryer nje vizite mjekesore per shkak te problemeve dhe dhimbjeve qe kishte pasur ne koke. Ngjarja e rende ndodhi paraditen e djeshme rreth ores 10 00, kur ajo eshte hedhur nga shesh pushimi i katit te peste te nje pallati prapa ish-Ekspozites.


Menjehere ne vendin e ngjarjes mberriten sherbimet e policise se komisariatit nr. 3, te lajmeruar nga nje burre deshmitar ne vendin e ngjarjes. Nga veprimet e paraprake te kryera prej tyre, gruaja e re eshte identifikuar me emrin Enfrida Llalla, 20 vjece, nga qyteti i Gramshit. Ajo mesohet se dje kishte qene me bashkeshortin e saj ne Tirane, pasi duhej te kryente nje vizite mjekesore ne nje klinike private per shkak se prej kohesh ndiente dhimbje ne koke.


Po dje, sipas hetuesve, gruaja e re kishte mesuar se vuante nga semundja e rende e pasherueshme ne koke, cka ne menyre te menjehershme i shkaktoi asaj gjendje te renduar emocionale dhe psikologjike. Pas vizites me te shoqin, ata jane ulur ne nje lokal ne afersi te ish-Ekspozites. Gjate kesaj kohe, ajo i komunikoi te shoqit se donte te blinte nje byrek per te ngrene. Sapo u nda, ajo u ngjit ne katin e peste te nje pallati dhe ne shesh pushim, ndersa nga ballkoni i shpesh pushimit ajo u hodh drejt poshte.


Nje grua qe fare prane vendit ku ra nena e re, tha per Shekulli-n, se degjoi nje zhurme te forte sikur ishte nje shperthim. Menjehere dola aty dhe pashe se ishte nje vajze e re bionde e veshur me xhinse, e cila ishte e gjakosur ne koke. Nuk mund ta shikoja me, sepse ishte e shperfytyruar. Nje burre qe ishte aty prane lajmeroi policine, e cila mberriti shume shpejt, - tregoi gruaja.


Policia, pasi mori deshmite e personave qe ndodheshin ne vendin e ngjarjes, mori ne pyetje edhe bashkeshortin, i cili i pohoi policise se kishte qene duke pire kafe ne momentin qe ndodhi ngjarja. Nderkaq, trupi i gruas se re, u dergua ne morgun e Tiranes, ku edhe mjeket ligjore kryen autopsine dhe me pas trupi i saj u nis per ne qytetin e Gramshit, ku familja pritet ti jape sot lamtumiren e fundit.