Mishel, 22-vjecarja qe po “cmend” boten

Publikuar me : 09.01.2012 Ne : Sport - 70 Lexime. Origjina : Gazeta Shekulli

Xhek Preçetaj

Është vetëm 22 vjeçe dhe është nominuar si Mbretëresha e golfit botëror. Amerikane me origjinë nga Korea e Jugut, ka shënuar në karrierën e saj si profesioniste dy suksese botërore, por është çmuar më shumë nga mediat dhe opininioni mbarëbotëror për bukurinë e saj. Mishel Vie momentalisht luan në Shoqatën Profesioniste të Golfit për Femra (SHPGF) dhe ka fituar 2 turne të kësaj lige. Në moshën 10-vjeçare, Mishel ka arritur të kualifikohet në Federatën Kombëtare të Golfit amator.

Me kualifikimin e saj ajo hyri në histori si femra me moshën më të re që ka arritur të kualifikohet. Gjithashtu ajo ka arritur të jetë fituesja me moshën më të vogël në trofeun e Golfit Amerikan për Amatorë dhe më e reja që ka arritur të kualifikohet për SHPGF. Me 15 nëntor 2009, në moshën 20-vjeçare Vie fiton titullin e parë si profesioniste duke lënë pas bashkatdhetaren e saj, Paula Kremer.

Më pas, më 29 gusht 2010 në Kanada fiton edhe turneun e dytë profesionist në karrierën e saj, duke lënë pas 4 atlete femra nga më të mirat në fushën e golfit. Vitin që kaloi Mishel, më shumë se për lojën, u përfol në media për bukurinë e saj duke ofruar sete të ndryshme fotografike për revista të njohura. Tashmë që fama e saj po shtohet çdo ditë, ajo pret që në këtë vit të ri të arrijë të fitojë sa më shumë tituj dhe të konfirmohet në sportin e golfit. Të paktën talenti nuk i mungon, qoftë për golf ashtu edhe për modele. Duhet vetëm pak punë.