Partite politike do te monitorohen per shpenzimet e fushates elektorale. Fondacioni SOROS, ne bashkepunim me IDRA-n dhe Forumin e Mendimit te Lire, do te monitorojne pese parti politike PD, PS, LSI, PR dhe G99 dhe do te publikoje pas zgjedhjeve nje raport per financimin e partive politike dhe transparencen e tyre. Me ne fund, ne Shqiperi, fushata do te monitorohet edhe per shpenzimet e fushates. Partite politike do te survejohen sesa para do te shpenzojne dhe a perputhen fondet qe ata marrin nga buxheti i shtetit dhe donatoret e ligjshem. "Menyra e monitorimit do te behet permes survejimit te reklamave. Duke perdorur metodat investiguese ne do te llogaritim kostot e tyre dhe do t‘i ballafaqojme ato", tha drejtoresha e programeve te SOROS, Mimoza Gjika. Ajo theksoi se kjo formule do te marre parasysh edhe Kodin Zgjedhor. Tema e financimit te partive ka qene gjithmone nje teme delikate, e cila, megjithese eshte perfolur shume kohet e fundit, nuk ka gjetur nje zgjidhje te mirefillte dhe te qarte. Partite politike vazhdojne te fshehin te ardhurat e tyre, duke mos u treguar transparent ne kete proces. Fondacioni SOROS do te monitoroje te ardhurat qe pese partite me te rendesishme ne Shqiperi do te perdorin per spotet publicitare, mitingjet dhe tubimet elektorale qe do te bejne ne Tirane dhe rrethe. Deklaratat per fillimin e ketij projekti jane bere me dije dje, ku Fondacioni SOROS dhe IDRA kane bere te qarte se do te vezhgojne partite politike vetem dy dite perpara se fushata elektorale te filloje ne menyre zyrtare. Nen vezhgim, do te jene pese forca politike, Partia Demokratike, Partia Socialiste, Levizja Socialiste per Integrim, G99 dhe Partia Republikane.