Publikuar me : 20.08.2011 Ne :
Sociale - 58 Lexime. Origjina : Gazeta Shekulli
Gjithmonë është konsideruar e pakëndshme që ta pyesësh femrën për moshën e saj, ndërsa kohët e fundit është bërë njësoj e pakëndshme për ta pyetur edhe për numrin e këpucëve.
Femrat moderne bëhen shumë të ndjeshme kur është fjala për madhësinë e këpucëve të tyre, sepse ende konsiderohet se këmba e madhe është veçori e meshkujve, ndërsa thuhet se rreth gjysma e femrave i gënjejnë shoqet dhe partnerët e tyre në lidhje me madhësinë e këpucëve.
Në vitet e fundit, këmba e femrave është rritur për tre numra: nga numri standard 38 në madhësinë 41, që është gjithnjë e më e shpeshtë, ndërsa 82 për qind e femrave të anketuara kanë thënë se u vjen turp të tregojnë numrat 41 ose 42.
Supozohet se në vitet e fundit, shputa e femrave nuk është zgjatur, por është zgjeruar, ndërsa arsyeja për këtë është rritja e mesatares së gjatësisë trupore dhe peshës në popullatën femërore.
Për shkak të ndjenjës së turpit, dy të tretat e femrave kanë deklaruar se nuk kërkojnë ndihmë kur shkojnë të blejnë këpucë, ndërsa një e treta e tyre kanë thënë se ndjejnë turp nëse duhet t’i heqin këpucët në prani të njerëzve.
Tregtarët pohojnë se në vitet e fundit është rritur për 80 për qind kërkimi i këpucëve për femra me numër 40, 41 dhe 42, pritet që së shpejti të jetë vështirë gjetja e këpucëve për femra me numër 37.
Megjithatë, probleme me turpin nuk kanë personalitet e famshme që mbajnë këpucë me numra të mëdhenj. Këpucë me numër 41 veshin Nicole Kidman, Michelle Obama, Kate Winslet dhe Sonila Meço J .
Shukri Klinaku / Foto "Koha Ditore"
Një fizikan kosovar pretendon se ka gjetur disa pasaktësi në teoritë e babait të fizikës, Ajnjshtajn. Madje, Shukri Klinaku, profesor i fizikës në Fakultetin e Edukimit në Universitetin e Prishtinës, i ka mbledhur të gjitha “gabimet” e Ajnshtajnit në një libër, të cilin e ka promovuar ditën e djeshme në Bibliotekën Kombëtare dhe Universitare të Kosovës.
Në librin e tij “Lëvizja relative, shpjegimi i drejtë dhe gabimet e...
