Nuk me interesojne budallalleqet

Publikuar me : 12.12.2011 Ne : Sport - 69 Lexime. Origjina : Gazeta Shekulli

Xhek Preçetaj

Roma-Juventus janë ende në pritje. Ndoshta momentet që po kalojnë të dyja skuadrat janë krejt të ndryshme, ku Roma është jo vetëm 12 pikë larg miqve, por edhe e zhytur në probleme dhe në pikëpyetje në lidhje me stolin dhe drejtimin e klubit. Në krahun tjetër, miqtë paraqiten si favoritë dhe si skuadra më e mirë e momentit që nuk e ka njohur ende shijen e humbjes. Megjithatë, futbolli ka treguar se është i paparashikueshëm. Trajneri i Romës, Luis Enrike, në njërin krah duhet të mendojë jo vetëm si të fitojë këtë sfidë, por edhe si të ruajë postin e tij. I pyetur në lidhje me Borrielon, u përgjigj: “Nëse thirret, do të luajë. Në radhë të parë mendoj për ekipin. Nuk jam i shqetësuar se kjo do jetë ndeshja e kthesës apo rrënimit, jam i shqetësuar se skuadra për të mundur është Juventusi. Budallallëqet që thoni ju, nuk më interesojnë”.

Ndërkohë trajneri i bardhezinjve shprehet se ekipi i tij tashmë ka fituar shumë. “Për ne ishte e rëndësishme të rifitonim stimën e tifozëve. Kjo është fitorja jonë. Të paktën deri në Krishtlindje asnjë nuk na mohon të çka kemi arritur deri tani”. Konte ka vetëm një dilemë: atë të zëvendësuesit të Vuçiniçit, ku alternativat janë Estigarribja dhe Xhiakerini. Kjo sfidë ndoshta nuk është “El clasico”, por ka dhuruar gjithmonë emocione të veçanta dhe shumë gola. Në vitin 1930, Roma mundi Juventusin me rezultatin 5-0, një ndeshje që u kthye edhe në film. Por një vit më pas Juventus i kthen reston skuadrës së preferuar të Musolinit me fitoren 7 me 1. Ngelet vetëm për të shijuar spektaklin e Olimpikos, që ka shitur të gjitha biletat.