Operacioni anti-droge, pranga 3 personave

Publikuar me : 24.09.2011 Ne : Kronike - 41 Lexime. Origjina : Gazeta Shekulli

Policia e Shtetit me anë të një deklarate për shtyp bëri të ditur se në kuadër të një operacioni anti-drogë janë arrestuar 2 shtetas shqiptarë dhe një turk. Operacioni është zhvilluar në qarkun Korçë dhe Tiranë, ku është bërë i mundur arrestimi i këtyre tre shtetasve, të cilët akuzohen për mbajtje dhe trafikim të lëndëve narkotike. Policia sekuestroi 3 kg e 400 gramë lëndë narkotike, të dyshuar heroinë.

Të arrestuarit janë 38-vjeçari Edmond Bërxhani, i dënuar më parë për falsifikim të dokumenteve, 21-vjeçari Abdullah Kili i dënuar më parë për shitje e mbajtje të lëndëve narkotike. Po ashtu në kuadër të këtij operacioni anti-drogë, policia arrestoi shtetasin turk, Vehbi Alioglun, me banim në Tiranë.

Sipas policisë në pikën kufitare të Kapshticës është ushtruar kontroll në automjetin e drejtuar nga Edmond Gërxhani, të cilit iu gjet dhe u sekuestru 2 kg lëndë narkotike e dyshuar heroin. Gjatë kontrollit të ushtruar në banesën e tij, u gjet e sekuestrua një pistoletë tip zastava, të cilën ky shtetas e mbante pa leje.

Ndërsa 2 personat e tjerë janë arrestuar në Tiranë, ku dhe iu sekuestrua një kilogramë heroinë. Sipas zëdhënëses se policisë, 3 shtetasve iu sekuestruan 3 kg e 400 gramë lëndë narkotike, armë zjarri zastavë, aparatë celularë dhe automjeti ku u gjet lënda narkotike.