Publikuar me : 18.10.2011 Ne :
Politike - 40 Lexime. Origjina : Gazeta Shekulli
Partitë e majta pjesë e grupimit “Opozita e Bashkuar” do të mblidhen sot, për të diskutuar mbi çështjet kryesore si reforma zgjedhore apo situata politike aktuale në vend.
Ky takim është njoftuar një javë më parë nga përfaqësuesi i së majtës, Preç Zogaj, pas takimit informal të kryetarëve të partive opozitare. Një ndër çështjet kryesore që do të diskutohet në takimin e sotëm është dhe progres raporti i BE-së për Shqipërinë, si edhe përgjegjësitë mbi mesazhet e këtij raporti.
Sot pritet të diskutohet edhe pakti prej 10 pikash i propozuar nga Edi Rama si edhe reforma zgjedhore. Kjo pikë e fundit ka prioritetin e tryezës opozitare për shkak edhe të interesimit që vetë partitë e opozitës kanë për këtë çështje.
Pas disa mungesash në takimet informale të së majtës është rikthyer kreu i PBDNJ, Vangjel Dule ndërkohë që javën e parë ftesës i është përgjigjur kreu i PSD-së Skënder Gjinushi, dhe kreu i PSV-së 91 Petro Koçi.
Kryeministri Sali Berisha / Foto arkiv
Kryeministri Berisha i bëri apel Komisionit Europian që në ndihmat që i jep Shqipërisë të përcaktojë një pjesë për bujqësinë. Në konferencën me temë “Integrimi në BE dhe biznesi”, Berisha u shpreh se asnjëherë në zonat rurale të Shqipërisë nuk është investuar sa vitet e fundit.
“Apeli im ndaj Komisionit Evropian është që në ato ndihma bujare që na jepni, të përcaktoni një pjesë të mirë të tyre për bujqësinë....
