Grupi i PS vendos ngritjen e nje grupi pune per te kontrolluar financat e Kuvendit dhe menyren se si administrohen ato dhe kundershton ndryshimin e rregullores per votimin e dekreteve te presidentit

TIRANE- Grupi i Partise Socialiste do te ngreje nje grup pune per hartimin e nje alternative per reformimin e buxhetit te Kuvendit.

Gjate mbledhjes se grupit parlamentar te Partise Socialiste, e cila eshte drejtuar nga kryetari i grupit, Gramoz Ruci, deputetet e majte kane marre direktiva, ne baze te komisioneve ku ata marrin pjese qe te punojne dhe te hartojne relacione per cdo komision.

Direktiva te vecanta kane marre nenkryetaret e komisioneve parlamentare qe mbahen nga te majtet, te cilet duhet te raportojne per veprimtarine e komisioneve.

Grupi Parlamentar Socialist diskutoi gjithashtu serish mbi ndryshimet e Rregullores se Kuvendit, te propozuara nga mazhoranca e te cilat jane perfshire ne rendin e dites se seances se dites se enjte.

Sipas socialisteve, miratimi i njeanshem nga ana e mazhorances i ndryshimeve te Rregullores se Kuvendit do te cenoje pavaresine e institucioneve kushtetuese.

Socialistet priten qe se shpejti te ngrene nje grup pune, ne te cilin te marrin pjese deputetet socialiste per reformimin e financave te Kuvendit.

Nderkohe qe nuk dihet nese do te kerkohet edhe ngritja e nje komisioni hetimor per shperdorimet e kryetares se Kuvendit, ide e propozuar nga deputeti Erjon Brace.

Qellimi i ndryshimeve qe socialistet kerkojne te bejne me financat e Kuvendit lidhet me kryetaren e Kuvendit. Opozita nuk deshiron qe buxheti i Kuvendit te mbetet vetem ne doren e kryetares se parlamentit, Jozefina Topalli.

Socialistet kane akuzuar vazhdimisht kryetaren e Kuvendit per shpenzime te pajustifikuara me buxhetin e Kuvendit, nderkohe qe konflikti me i fundit lidhet me pagat e mbajtura te deputeteve te majte gjate periudhes qe kane qene jashte parlamentit. Ne mbledhjen e djeshme te grupit eshte kerkuar qe buxheti te vendoset ne funksion te 140 deputeteve dhe jo ti lihet ne dore kryetares se Kuvendit.

Nje tjeter ceshtje e diskutuar gjate mbledhjes se grupit socialist ka qene rrogat dhe dietat e deputeteve te majte te mbartura per kohen qe keta te fundit nuk kane qene ne Kuvend.

Grupi nuk ka marre nje vendim te perbashket per ngritjen e nje padie penale te perbashket ndaj Administrates se Kuvendit. Por, cdo deputeti i lind e drejta dhe eshte i lire te ngreje padi ndaj Kuvendit per rrogat dhe dietat e tyre.

Deputetet e majte percaktuan edhe temen e diskutimit gjates seances se sotme parlamentare, ku edhe njehere tjeter 60 minutave te diskutimit te lire qe percakton Rregullorja e Kuvendit ne fillim te seances do ti marre ndryshimi i menyres se votimit.

Ne njoftimin zyrtar te Partise Socialiste behet e ditur se grupi socialist i qendron idese se miratimi i njeanshem nga ana e mazhorances i ndryshimeve te propozuara do te prodhoje pa me te voglin dyshim thellimin e metejshem te krizes politike dhe, sipas selise roze, do te cenoje ne menyre te drejtperdrejte pavaresine e institucioneve kushtetuese te vendit.

Grupi Socialist i qendron vleresimit te bere publik se ndryshimet e propozuara ne menyre te njeanshme nga ana e mazhorances jane ne kundershtim me praktikat e funksionimit te nje parlamenti demokratik europian,- thuhet ne njoftimin e Partise Socialiste.

Ndryshimi i rregullores, debate ne Kuvend

Ndryshimi i Rregullores se Kuvendit per menyren e votimit eshte shoqeruar me debate edhe ne Keshillin per Rregulloren, Mandatet dhe Imunitetin te zhvilluar me date 15 qershor. Deputetet Gramoz Ruci dhe Pandeli Majko kane replikuar me koleget e tyre te djathte, Ilir Rusmali dhe Eduart Halimi.

Gjate kesaj mbledhjeje, deputetet e majte kembengulen ne idene se ndryshimi i menyres se votimit nga votim i fshehte ne votim te hapur eshte nje menyre per te kontrolluar politikisht voten. Ndersa, sipas te djathteve, votimi i hapur eshte ne funksion te transparences.

Prej disa ditesh deputetet e shumices thone se votimi i hapur do ti sherbejne transparences, kurse deputetet e opozites thone se kjo eshte nje menyre per te kontrolluar politikisht voten.

Pritshmeria e mazhorances per te marre edhe konsensusin e opozites per ndryshimin e menyres se votimit ka bere qe edhe afati ligjor per votimin e dekreteve te Presidentit te Republikes per vendet vakant ne Gjykaten e Larte te tejkalohet.

***********************************

Deputetet kerkojne qe qeveria te rrise fondet per Sherbimin, jane te krahasueshme me ato te vitit 2001

SHISH, buxheti i pamjaftueshem per te punuar

TIRANE- Fondet e dhena nga qeveria shqiptare per Sherbimin Informativ Shteteror jane te pamjaftueshme per te kryer nje pune eficiente dhe per kete arsye deputetet kane kerkuar rritjen e tyre.

Kreu i SHISH, Bahri Shaqiri raportoi dje ne Komisionit per Sigurine ne Kuvend dhe pas raportit deputetet i kane drejtuar edhe pyetje rreth pikave te paqarta. Deputetet e te dyja forcave politike qe marrin pjese ne Komisionin e Sigurise kane shprehur mendime te njejta per punen e ketij sherbimi.

Gjithsesi, gjate mbledhjes, socialistet kerkuan rritjen e buxhetit per Sherbimin Informativ Kombetar, pasi, sipas tyre, do ti sherbente me mire funksionit te inteligjences shqiptare.

Pas mbledhjes, nenkryetari i Komisionit te Sigurise, Ilir Gjoni, u shpreh se palet kerkuan qe SHISH-it ti rriten te ardhurat, pasi buxheti aktual i ketij institucioni eshte i krahasueshem me ate te vitit 2001.

Pati nje konsensus nga te gjithe anetaret per buxhetin dhe u dha mbeshtetje per anen financiare, te cilat do ti sherbejne si per pagat e punonjesve, ashtu edhe per blerjen e pajisjeve te reja teknologjike per permiresimin e veprimtarise se SHISH-it, - tha nenkryetari i Komisionit te Sigurise, Ilir Gjoni. Sipas deputetit Gjoni, gjate mbledhjes nuk eshte diskutuar per ndryshimet ne ligjin per Sherbimin Informativ Kombetar.

Draftin e ligjit per SHISH e ka marre ne shqyrtim EURALIUS qe pritet te sjelle verejtjet dhe propozimet e veta per projektin e kaluar tashme edhe ne komisionet parlamentare. Edhe deputeti tjeter socialist, Pirro Lutaj, u shpreh se problemi kryesor qe ka Sherbimi Informativ eshte mungesa e buxhetit per realizimin e misionit.

***************************

Rama Kriza i ka rrenjet tek zgjedhjet e shkuara

Kryesocialisti Edi Rama gjate fjales se tij ne Keshillin e Internacionales Socialiste mbajtur ne Nju Jork deklaroi se kriza ekonomike ne Shqiperi i ka rrenjet tek zgjedhjet e shkuara.

Sot Shqiperia perballet me nje krize aspak te thjeshte politike, e cila i ka rrenjet ne zgjedhjet e shkuara, por, me ane tjeter, eshte vetem maja e ajsbergut te nje krize qe ka prekur funksionet e demokracise, ka politizuar e paralizuar drejtesine, ka hyre ne ekonomine e te dhenave e te shifrave te genjeshterta, - u shpreh kreu i PS-se.

Lideri i opozites u shpreh se eshte tejet shqetesuese mungesa e transparences se qeverise shqiptare per gjendjen ekonomike, ne te cilen ndodhen shqiptaret.

Ndjehemi tejet te shqetesuar per ate cka mbahet mbyllur ne erresiren e mungeses se informacionit nga qeveria shqiptare lidhur me gjendjen reale te ekonomise se vendit tone, - tha Rama nga New Yorku.

Sipas kryesocialistit Rama, ekonomia shqiptare ka dhene shenja te qarta, alarmante, renieje, nderkohe qe shqiptareve u thuhet e kunderta dhe u fshihet kokefortesish e verteta.

Diten e djeshme kreu i PS-se u kthye ne Shqiperi pas pjesemarrjes ne Keshillin e Internacionales Socialiste, i cili u mbajt ne Nju Jork ne datat 21-22 qershor.

Ne kete forum te larte te socialisteve te te gjithe vendeve te botes, Partia Socialiste perfaqesohej nga nje delegacion i nivelit te larte kryesuar nga Kryetari Edi Rama.