Publikuar me : 11.08.2011 Ne :
Kronike - 73 Lexime. Origjina : Gazeta Shekulli
Policia e Sarandës ka arrestuar 53-vjeçarin Xhemal Kullaj, personi i përfshirë në grindjen për një vend parkimi me turistin grek,i cili humbi jetën një ditë më parë në Sarandë. Kullaj akuzohet për vrasje të shkaktuar nga pakujdesia, ndërkohë që pritet përcaktimi i shkakut të vdekjes së shtetasit grek.
Xhemal Kullai, 53 vjeç, me banim në Francë, vrau aksidentalisht mbrëmjen e djeshme shtetasin grek Kostandinos Karadhimas, 79 vjeç. Ngjarja mësohet të ketë ndodhur në hotel “Olimpia” në Sarandë dhe konflikti ka ardhur për një vend parkimi.
Vdekja e 79-vjeçarit grek erdhi si pasojë e goditjes së kokës në tokë. Pas grindjes së dhunshme dhe shtyrjeve me duar, Kostandinos Karadhimas ka përplasur kokën në asfalt duke pësuar dëmtime serioze. Pavarësisht se ai është dërguar drejt spitalit të qytetit, nuk ka mundur t’i rezistojë plagëve duke humbur kështu jetën.
Policia ne vendngjarje / Foto arkiv
Një sasi eksplozivi ka shpërthyer mëngjesin e sotëm në qytetin e Durrësit, fatmirësisht pa të lënduar. Ngjarja ka ndodhur në lagjen nr 7, në rrugën “Drita”, ku një sasi e vogël eksplozivi ka shpërthyer në anë të rrugës, duke dëmtuar vetëm trotuarin.
Vendi ku ishte vënë materiali eksploziv gjendet në afërsi të disa lokaleve dhe një banke, rreth 200 metër nga Drejtoria e Policisë së Durrësit.
Grupi hetimor vijon kryerjen e...
